-ಅಪಾರ

8
ಸುಖದ ಶಿಖರ ಏರುತಿರುವಾಗಲೂ
ನನಗೆ ಮುಂಬರುವ ದುಃಖದ ಚಿಂತೆ
ಹೆಚ್ಚುತಿರಲು ಕ್ಷಣಕ್ಷಣ ಪ್ರಪಾತದ ಆಳ
ಬೆಚ್ಚುತಿಹೆ ನಾನು ಕಡುಪಾಪಿಯಂತೆ9
ನಿರ್ಲಿಪ್ತಿಯಿಂದ ಮನಸನೊಡ್ಡುವೆ
ಕಡೆಗೊಮ್ಮೆ ದುಃಖ ಶರಣಾಗುವುದು
ಅತ್ತೂ ಅತ್ತೂ ಅತ್ತೂ ಅತ್ತೂ
ನಿದ್ರೆ ಹೋಗುವ ತೊಟ್ಟಿಲ ಮಗುವಿನಂತೆ

10
ಮೊನ್ನೆ ಬಸವನಗುಡಿಯಲ್ಲಿ ದೇವರು ಸಿಕ್ಕ
ಕಣ್ಣು ತಪ್ಪಿಸ ನೋಡಿ ಪೆಕರು ನಗೆ ನಕ್ಕ
ಸಿಕ್ತೀನಿ ಅರ್ಜೆಂಟಲಿರುವೆ ಎಂದು ಹೊರಟವನು
ಕಲ್ಲಾಗುವ ಭಯಕೆ ತಿರುಗಿ ನೋಡಲೇ ಇಲ್ಲ