ಗಾಯತ್ರೀ ರಾಘವೇಂದ್ರ, ಶಿರಸಿ
ಮತ್ತೆ? .. ಎಂದುಲಿದು
ಕಾಯುವ ಆ ಕ್ಷಣ
ಮೌನದಲ್ಲೂ ರಿಂಗಣಿಸುತ್ತದೆ
ಮಾತಿಗಾಗಿ ತಡವರಿಸಿ
ಮುನ್ನುಡಿ ಬರೆದು
ಬಿಚ್ಚಿಕೊಳ್ಳುತ್ತದೆ ಎದೆಹೊತ್ತಿಗೆ
ಮಾತು ಮಾತಾಗಿ ಓದಿಸಿ
ಉತ್ತರಗಳ ಹರಿವು
ಮತ್ತೆ..ಕೇಳುವ ಕಾತರ ಇನ್ನೇನೋ
ಹೇಳುವ ಆತುರ
ನನ್ನೊಳಗ ಹುಡುಕಾಟ
ನಿಟ್ಟುಸಿರಿಗೂ ಅದೇ ಪ್ರಶ್ನೆ
ಉತ್ತರಕ್ಕಾಗಿ ಕದಡುತ್ತೇನೆ
ಮನದ ತಿಳಿಗೊಳವ
ಅಲೆ ಅಲೆಯಲ್ಲೂ ಅದೇ
ಆ ಅಲೆಗಾದರೋ ನೂರು ಹಸ್ತ
ಮತ್ತೆ..ಕಾಯುತ್ತೇನೆ
ಆಸ್ಥೆ ಅಕ್ಕರೆಯ ಒಂದೇ ಭಾವಕೆ
ಸಾವಿರದ ಮತ್ತೆಗಳ
ಆಪ್ಯಾಯ ನೋಟಕೆ
ಮತ್ತೆ..ಹುಂ ಗಳ
ಸುದೀರ್ಘ ಚಿನ್ನಾಟ
ಮೌನದೊಳಗೆ ಬೆಸೆವ ಭಾವಗಳ
ಅಪರೂಪದ ಶಬ್ದ
ಮತ್ತೆ..ಮತ್ತೆ ಕೇಳಬೇಕೆನಿಸುವ
ಹೇಳಬೇಕೆನಿಸುವ
ಅದದೇ ಹಾಡ ಗುನುಗು
ಬರೆದಷ್ಟೂ ಬರೆಸಿಕೊಳುವ ಕವಿತೆ..
ನಮಸ್ತೆ
ಈ ಇ ಪತ್ರಿಕೆ ಗೆ ಕವನ / ಲೇಖನ ಕಳುಹಿಸುವದು ಹೇಗೆ
Super
ತುಂಬಾ ಸುಂದರ ಕವಿತ
Waaawwww super
Supper, and sweet
ಚಲೊ ಇದೆ