ಅಗ್ನಿ ಬಂಧ
ಜ್ಯೊತಿ ಮಹಾದೇವ್
ಅಗ್ನಿಸಾಕ್ಷಿಯಾಗಿ ಕೈ ಹಿಡಿದವಳು
ತೆಳ್ಳಗೆ ಬೆಳ್ಳಗೆ ಬಳುಕುವ ಲತಾಂಗಿ
ಗಲ್ಲ ಹಿಡಿದೆತ್ತಿ ರಮಿಸಿ ಮುದ್ದಿಸಿ
ತುಟಿಗಿರಿಸಿದ್ದೇ ಕಾರಣವಾಗಿ ವಿನಾಸುಖ;
ಬೆಸೆಯುತ್ತಾ ಬೆಳೆದ ಅಗ್ನಿಸಖ್ಯ
ಸುಖಿಸುತ್ತಾ ಕೆರಳುತ್ತಾ ನರಳಿತು
ಒಳಗಿಳಿದವಳು ಒಳಸೆಳೆದವಳು
ಒಳಗೊಳಗೇ ಉರಿಸಿದ್ದು ಹೊಸಮುಖ
ಏರಿದ ಉನ್ಮತ್ತ ಮತ್ತ ನಶೆ ಹರಿದಾಗ
ದಾರ್ಶನಿಕನತ್ತ ವ್ಯಾಕುಲ ಚಿತ್ತ
ಹೊಸೆಯದ ಅಗ್ನಿಬಂಧ ಮುಕ್ತಿಧಾಮದತ್ತ
ವಿಚ್ಛೇದಿತ ಪರಿವೃತ್ತ ದತ್ತ ಮೊತ್ತ
ಛೇದಿಸಿದರೂ ವಿಚ್ಛಿನ್ನ ಬಂಧ
ಎದ್ದೇಳದ ಛಿದ್ರಛಿದ್ರ ಪಾಶಶೇಷ
ಹೊಸೆಯದ ಅಗ್ನಿಬಂಧ ಮುಕ್ತಿಧಾಮದತ್ತ
ವಿಚ್ಛೇದಿತ ಪರಿವೃತ್ತ ದತ್ತ ಮೊತ್ತ…. good poem.. Nice…
ಅಗ್ನಿಸಾಕ್ಷಿ….ಅಗ್ನಿಸಖ್ಯ…. ಅಗ್ನಿಬಂಧ….ಕೊನೆಯಲ್ಲಿ
ಎದ್ದೇಳದ ಛಿದ್ರಛಿದ್ರ ಅಗ್ನಿಪಾಶ….ಅಗ್ನಿಶೇಷ..
ಆಗಿದ್ದರೆ ಚೆನ್ನಾಗಿತ್ತೇನೋ?
ತುಂಬಾ ಅರ್ಥಪೂರ್ಣ ಕವಿತೆ.
ಆಗ್ನಿ ಜೊತೆ ಸರಸ, ಗಂಡು ಹೆಣ್ಣು ಬೆರೆವ ಪರಿ ಬೆರೆಗು….ಕವಿತೆ ಸೊಗಸು