ಬಸವರಾಜ ಕೋಡಗುಂಟಿ ಅವರು ಕಲಬುರ್ಗಿಯ ಕೇಂದ್ರೀಯ

ವಿಶ್ವವಿದ್ಯಾಲಯದಲ್ಲಿ ಸಹಾಯಕ ಪ್ರಾಧ್ಯಾಪಕರು.

ಭಾಷೆಗಳ ಬಗ್ಗೆ ವಿಭಿನ್ನ ನೆಲೆಯಿಂದ ವಿಶ್ಲೇಷಣೆ ನಡೆಸುತ್ತಿರುವವರು.

ಬಹು ಚರ್ಚೆಯಲ್ಲಿರುವ ಕನ್ನಡ ಲಿಪಿ ಬದಲಾವಣೆ ಪ್ರತಿಪಾದಕರು.

‘ಅವಧಿ’ಯ ಆಹ್ವಾನದ ಮೇರೆಗೆ ಬಸವರಾಜ ಕೋಡಗುಂಟಿ

ಅವರು ಕರ್ನಾಟಕದ ಎಲ್ಲಾ ಜಿಲ್ಲೆಗಳಲ್ಲಿ ಇರುವ ಭಾಷಾ

ವೈವಿಧ್ಯತೆಯತ್ತ ಬೆಳಕು ಚೆಲ್ಲಲಿದ್ದಾರೆ.

ಅಂಕಿ ಸಂಖ್ಯೆ ಆಧಾರಿತ ವಿಶ್ಲೇಷಣೆ ನಮ್ಮ ನಂಬಿಕೆಗಳನ್ನು

ಅಲುಗಾಡಿಸಬಹುದು.

ಕರ‍್ನಾಟಕದ ಒಂದೊಂದು ಬಾಶೆಯ ಮೇಲೆ ಮೂವತ್ತಕ್ಕೂ

ಹೆಚ್ಚು ಬಿಡಿ ಬರಹಗಳನ್ನು ಇಲ್ಲಿ ಬರೆದಿದ್ದಾರೆ.

ಕರ‍್ನಾಟಕದ ಸುಮಾರು ನಲವತ್ತು ಬಾಶೆಗಳ ಹಂಚಿಕೆಯನ್ನ

ಇನ್ನು ಮುಂದೆ ಪರಿಚಯಿಸಲಾಗುವುದು.

42

ಕೊಡವ ಕರ‍್ನಾಟಕದಲ್ಲಿ ವಿಶೇಶವಾಗಿ ಕಂಡುಬರುವ ಬಾಶೆಯಾಗಿದೆ. ದೇಶದಲ್ಲಿ ಒಟ್ಟು ಕೊಡವರ ಸಂಕೆ ೧,೨೪,೮೫೭ ಆಗಿದೆ. ಇದರಲ್ಲಿ ಕೂರ‍್ಗಿ/ಕೊಡಗು ಮತ್ತು ಕೊಡವ ಎಂಬ ಎರಡು ತಾಯ್ಮಾತುಗಳು ದಾಕಲಾಗಿವೆ. ಎರಡೂ ತಾಯ್ಮಾತುಗಳಲ್ಲಿ ಕೆಳಗೆ ಪರಿಗಣಿಸುವಶ್ಟು ಮಂದಿ ದಾಕಲಾಗಿದ್ದಾರೆ. ಈ ಎರಡು ತಾಯ್ಮಾತುಗಳು ಹೆಸರಿನ ಬಿನ್ನತೆಗಿಂತ ಬೇರೆಯಾಗಿರಲಿಕ್ಕಿಲ್ಲ ಎಂಬ ಕಾರಣದಿಂದ ಇವೆರಡನ್ನೂ ಕೂಡಿಸಿ ಲೆಕ್ಕಿಸಿದೆ. ದೇಶದಲ್ಲಿ ದಾಕಲಾದ ಒಟ್ಟು ಕೊಡವರಲ್ಲಿ ಬಹುತೇಕರು ಅಂದರೆ ೧,೧೦,೫೦೮ ಮಂದಿ ಕರ‍್ನಾಟಕದಲ್ಲಿಯೆ ನೆಲೆಸಿದ್ದಾರೆ. ಇದು ಒಟ್ಟು ದೇಶದ ಕೊಡವ ಬಾಶೆಯ ೯೭.೦೫೮% ಆಗಿದೆ. ಕರ‍್ನಾಟಕದಲ್ಲಿ ದಾಕಲಾದ ಕೊಡವರಲ್ಲಿ ಕೊಡವ ತಾಯ್ಮಾತನ್ನು ಆಡುವವರು ದೊಡ್ಡ ಸಂಕೆಯಲ್ಲಿ ಇದ್ದಾರೆ (೯೬,೮೭೮) ಮತ್ತು ಕೂರ‍್ಗಿ/ಕೊಡಗು ತಾಯ್ಮಾತಿನ ಒಳಗೆ ದಾಕಲಾದವರು ಕಡಿಮೆ (೧೩,೬೩೦). ಆದರೆ, ಈಗಾಗಲೆ ಹೇಳಿದಂತೆ ಅವೆರಡೂ ಒಂದೆ ಎಂದು ಲೆಕ್ಕಿಸಿದೆ. 

ಕರ‍್ನಾಟಕದ ಒಳಗೆ ಕೊಡವ ಮಾತಾಡುವ ಬಹುತೇಕ ಮಂದಿ ಕೊಡಗು, ಉಡುಪಿ ಜಿಲ್ಲೆಗಳಲ್ಲಿ ದಾಕಲಾಗಿದ್ದಾರೆ. ಕೊಡಗು ಜಿಲ್ಲೆಯಲ್ಲಿ ದಾಕಲಾದ ಕೊಡವ 82,421 ಮಾತುಗರು. ಇದು ಒಟ್ಟು ಕರ‍್ನಾಟಕದ ಕೊಡವರ 74.583 ಆಗಿದೆ. ಆನಂತರ ಉಡುಪಿ ಜಿಲ್ಲೆಯಲ್ಲಿ 17,596 ಮಂದಿ ದಾಕಲಾಗಿದ್ದು ಇದು 15.922% ಆಗಿದೆ. ಆನಂತರ ಮಯ್ಸೂರು ಜಿಲ್ಲೆಯಲ್ಲಿ ಹತ್ತು ಸಾವಿರಕ್ಕಿಂತ ಕಡಿಮೆ ಮತ್ತು ಒಂದು ಸಾವಿರಕ್ಕಿಂತ ಹೆಚ್ಚು ಮಂದಿ, ಅಂದರೆ 6,627 ಮಂದಿ ದಾಕಲಾಗಿದ್ದಾರೆ.

ಇಲ್ಲಿ ಕೆಳಗೆ ಕೊಡವ ಮಾತುಗರ ಜನಸಂಕೆಯನ್ನು ಅಟ್ಟದಲ್ಲಿ ತೋರಿಸಿದೆ. 

ಕೊಡವ ಮಾತುಗರ ಹಂಚಿಕೆ