ಕತ್ತರಿಸಬೇಕು ಚೌಕಟ್ಟು
ಮೊಳೆ ತೆಗೆದು ಗೋಂದು ಬಿಡಿಸಿ
ಬಗೆದಿಡಬೇಕು
ಗಾಜು ಬಂದರೆ ಸರಿ
ಇಲ್ಲವಾದರೆ ಚೂರು
ಸಿಗುತ್ತಲ್ಲ ಆಗ
ಅದಕ್ಕಾಗೇ ಕಾದದ್ದು
ಹಲ್ಲು ಕಚ್ಚಿ ಹೊಂಚಿದ್ದು
ಸೋತದ್ದು
ಮೀನು ಮಂಜುಗಡ್ಡೆ
ಚೆರ್ರಿ ಚೂಪೆಲೆಯ ಮರ
ಹೆಣೆದ ತುಟಿಗಳು
ಗೋಡೆಯನ್ನೂ ಹಾಯುವ ಜನ
ಇಲ್ಲವಲ್ಲಾ ಇಲ್ಲಿ
ಕಾಣೆಯಾದವರು
ಕತ್ತಿಲ್ಲದವರು
ಸೀದವರು
ಮೊದಲು ಆ ಮೀನು
ಕಳೆಯಲೇಬೇಕು ಅದರ ಬಣ್ಣ
ಕಿತ್ತರೆ ಗೆರೆ
ಸೋರುವುದು ಮಂಜುಗಡ್ದೆ
ಕಟ್ಟ ಕಡೆಗೆ ಉಳಿದದ್ದು
ಅವನ ಸಹಿ ಮಾತ್ರ.
beautiful design and headlines keep it up.
avadhi is wonderful I like it