ಸುಖೇಶ್
ಎಲ್ಲ ಪ್ರಶ್ನೆಗಳಿಗೂ ನ್ಯೂಟನ್ನು
ಉತ್ತರಿಸಲಾರ ಕಣೆ ನವ್ವಾಲೆ ಹುಡುಗಿ.
ಕೆಲವು ಪ್ರಶ್ನೆಗಳಿಗೆ ಉತ್ತರವೇ ಇರುವುದಿಲ್ಲ.
ನಿನ್ನೆ ಇಲ್ಲೇ ಪಕ್ಕದಲ್ಲಿ
ಉಸಿರು ನನ್ನದೋ ಏನೋ
ಎಂಬಂತೆಲ್ಲ ಇದ್ದವರೆಲ್ಲ
ಇಂದು ಮೈಲು ದೂರ
ಸರಿದು ಹೋಗಿರುವುದಕ್ಕೆ ಯಾವ
ಫೋರ್ಸು ಕಾರಣ ನ್ಯೂಟನ್ ಕೇಳಿ ಹೇಳುವೆಯ?
ಒಂದನೇ ಕ್ಲಾಸಿನ ಟೀಚರಿಗೆ
ಒಂದು ತಲೆಯಾದರೆ ಎರಡನೇ
ಕ್ಲಾಸಿನ ಟೀಚರಿಗೇನು ಎರಡು ತಲೆಯಿರುವುದಿಲ್ಲ.
ಹಾಗಂತ ಇಲ್ಲಿ ಐನ್ ಸ್ಟಯ್ನ್ ತಪ್ಪೇನು ಇಲ್ಲ.
ಅಂತ ನಾ ಹೇಳಿದರೆ
ಸಿಡುಕುತ್ತಾರಲ್ಲೇ ಈ ಜನ.
ಇವರಿಗೆ ನಗುವುದು ಗೊತ್ತಿಲ್ಲದ್ದಕ್ಕೆ
ಇನ್ನೂ ಯಾವ ಥಿಯರಿಯೂ
ಕಾರಣ ಕೊಟ್ಟಿಲ್ಲ.
ಇನ್ನೂ ಗುಲ್ಮೊಹರುಗಳು ನಿಂತಿವೆಯ?
ಗೊತ್ತಿಲ್ಲ. ಬಹುಷಃ ಇರಲಾರವು.
ಇರದ, ಇದೆಯೋ ಇಲ್ಲವೋ ಗೊತ್ತಿರದವುಗಳಿಗೂ
ನೆರಳಿರುವುದು, ನೆರಳಲ್ಲಿ ನಲಿವಿರುವುದು,
ನಲಿವಲ್ಲೂ ನೋವಿರುವುದು
ಅಚ್ಚರಿಯೇ ಅಲ್ಲವೆ?
ಹಾಗಂತ ನಾ ಹೇಳಿದರೆ ನಾಳೆಯೇ
ಬಂದಾರು ಕ್ಯಾಮರಾಮನ್ನು ಮತ್ತು
ಜೊತೆಗೆ ರಿಪೋರ್ಟರು.
ಹೇಗೆ ಹೇಳಲಿ ಗೆಳತಿ ಇವರಿಗೆ
ನೋವೂ ಚಂದ ನಲಿವೂ ಚಂದ
ಅಂತೆಲ್ಲ ಕಂತೆ ಪುರಾಣಗಳ?
ಇಲ್ಲ ಕಣೆ ಹುಡುಗಿ,
ಇಲ್ಲಿ ನಾನು ನೀನು ಅಷ್ಟೇ ಸರಿ.
ಬಾ ಮತ್ತೆ ಸಣ್ಣ ಸಣ್ಣದ್ದಕ್ಕೆ
ಬೆಕ್ಕಿನ ಮರಿಗಳಂತೆ ಕಿತ್ತಾಡೋಣ.
ನೀ ಮತ್ತದೇ ಕೆಟ್ಟದೇ ಸ್ವರದಲ್ಲಿ
ನವ್ವಾಲೆ ಬಂತಪ್ಪ ನವ್ವಾಲೆ ಹಾಡು.
ಟೊಮೋಟೋ ಬಿಡುವುದು ಗಿಡದಲ್ಲೋ
ಬಳ್ಳಿಯಲ್ಲೋ ಅಂತ ಇನ್ನೂ
ನಿನಗೆ ಗೊತ್ತಿರಲಿಕ್ಕಿಲ್ಲ.
ಇನ್ನೂ ಸಮಯವಿದೆ ಬಾ
ಮತ್ತದನ್ನೇ ಮಾತಾಡೋಣ.
ಏನು ಫ್ರೆಶ್ಶಾಗಿದೆ ಕಣ್ರೀ ಈ ಕವಿತೆ!ಇಷ್ಟವಾಯ್ತು.
yaru helidaru kavite andre prasa irabeku anta nanage gottilla halavomme ondu sundaravada mouna kuda kaviteyagirutte,mattomme ondu manabicchi mataduva matu kuda kavya vagutte,nimma kavya nanagantu sakathu ista aytuu namma astitva iruvudu illi mattu ega matra idannu navu ariyabekaste .d.ravi varma hospet.
‘ಅವಧಿ’ಯಂತ ವೇದಿಕೆಯಲ್ಲಿ ನಂದೊಂದು ಕವಿತೆ ನೋಡ್ತೀನಿ ಅಂತ ಕನಸೂ ಕಂಡಿರ್ಲಿಲ್ಲ 🙂
thanks avadhi and all for the encouragement 🙂
chennaagide