ಸೂರಿ ಎಂದೇ ಆತ್ಮೀಯರಿಗೆ ಪರಿಚಯವಾಗಿರುವ ಸುರೇಂದ್ರನಾಥ್ ಈ ಟಿ ವಿ ಮನರಂಜನಾ ವಿಭಾಗದ ಮುಖ್ಯಸ್ಥರು. ಇರಬಹುದು, ಆದರೆ ಸೂರಿ ಇದಕ್ಕಿಂತಲೂ ಹೆಚ್ಚಾಗಿ ತಮ್ಮ ಕಥೆ, ಕವಿತೆ, ಅನುವಾದ ಇದಕ್ಕೂ ಮೀರಿ ತಮ್ಮ ನಾಟಕಗಳ ಮೂಲಕ ಈಗಾಗಲೇ ಎಲ್ಲರಿಗೂ ಪರಿಚಿತರು. ಶಂಕರ ನಾಗ್, ಅರುಂಧತಿ ನಾಗ್ ಜೊತೆ ಇವರು ಹುಟ್ಟು ಹಾಕಿದ, ಕಟ್ಟಿ ಬೆಳಸಿದ ‘ಸಂಕೇತ್’ ನಾಟಕ ತಂಡ, ‘ರಂಗ ಶಂಕರ’ ಎಲ್ಲರಿಗೂ ಗೊತ್ತು.
ನಾತ ಲೀಲೆ, ಒಂದು ಕಟ್ಟು ಕಥೆ ಕಥಾ ಸಂಕಲನಗಳು ಎನ್ನ ಭಾವದ ಕೇಡು ಕಾದಂಬರಿ ಬರೆದಿರುವ ಸೂರಿ ‘ಅವಧಿ’ ಓದುಗರಿಗೆ ತೀರಾ ತೀರಾ ಪರಿಚಿತರು. ಅವರ ಕವಿತೆ, ಅನುವಾದ ಸಾಕಷ್ಟು ಪ್ರಕಟಗೊಂಡಿದೆ. ಈಗ ‘ಅವಧಿ’ಯಲ್ಲಿ ಅವರ ಮಿನಿ ಕಾದಂಬರಿಯೊಂದು ಧಾರಾವಾಹಿಯಾಗಿ ಪ್ರಕಟವಾಗಲಿದೆ. ‘ಅವಧಿ’ಯಲ್ಲಿ ಪ್ರಕಟವಾಗುತ್ತಿರುವ ಮೊದಲ ಧಾರಾವಾಹಿ ಇದು. ನಿಕೊಲಾಯ್ ಗೊಗೊಲ್ ನ ‘ಓವರ್ ಕೋಟ್’ ಕನ್ನಡದ ಓದುಗರಿಗಂತೂ ಸುಪರಿಚಿತ. ಟಿ ಪಿ ಅಶೋಕ್ ಅನುವಾದಿಸಿ, ಅಕ್ಷರ ಪ್ರಕಾಶನ ಪ್ರಕಟಿಸಿದ್ದ ಈ ಕಾದಂಬರಿಯನ್ನು ಸೂರಿ ದಾವಣಗೆರೆಯ ಕ್ಯಾನ್ವಾಸ್ ನಲ್ಲಿಟ್ಟು ನೋಡಿದ್ದಾರೆ.
–
ಉದಯವಾಣಿ ದೀಪಾವಳಿ ವಿಶೇಷಾಂಕದ ಹೈಲೈಟ್ ಗಳಲ್ಲಿ ಇದೂ ಒಂದು. ‘ಕೋಟಲೆಯೆಂಬರು ಕೋಟು ನೀಡಿದ್ದನ್ನು’ ನಾಳೆಯಿಂದ ಆರಂಭ . ಓದಿ, ಪ್ರತಿಕ್ರಿಯಿಸಿ..
mohan avare suri avvra kadambari shuruvagalide anta thilidu santhoshavaithu avadhi chennagide