ನಾರಾಯಣ ರಾಯಚೂರ್

ನಮಸ್ಕಾರ ಷೇಕ ಸ್ಪಿಯರನಿಗೆ
ವಿಶ್ವಮಾನ್ಯ ನಾಟಕಕಾರ -ಆರ್ಯನಿಗೆ .

ರಚಿಸಿದ ನಾಟಕಗಳು ಮೂವತ್ತೆಂಟು
ಒಂದೊಂದೂ ಅತಿಶ್ರೇಷ್ಠ, ಎಕ್ಸೆಲೆಂಟು !!.

“ಇರುವುದೋ ಇಲ್ಲದಿರುವುದೋ ?”–
ಹೊಯ್ದಾಟದ ಹಾಮ್ಲೆಟ್.
ಪ್ರಣಯ -ಕಾವ್ಯದ ಚಿರಂತನ ಕೃತಿ —
ರೋಮಿಯೋ ಜೂಲಿಯೆಟ್ .
ಪಾಸ್ಪೆರೋ ಮಾಯಾಜಾಲದ
ಸಮ್ಮೋಹಕ ಶಕ್ತಿಯ ‘ದಿ ಟೆಂಪೆಸ್ಟ್’.
ನಿಮ್ಮಿಷ್ಟದಂತಾಗಲಿ ಎನ್ನುವ —
“ಆಸ್ ಯೂ ಲೈಕ್ ಇಟ್”.!!

ರುದ್ರ ಪ್ರತಾಪ ನಾಯಕರು
ಒಥೆಲೋ, ಮ್ಯಾಕಬೆಥ್, ಸೀಸರ್,
ಮಗಳ ಮೋಹದಲಿ ಹುಚ್ಚಾದ
ವೃಧ್ಧ ದೋರೆ ಕಿಂಗ್ ಲಿಯರ್.

ಹರ್ಷ ನಾಟಕಗಳ ರಾಜ —
“ಕಾಮಿಡಿ ಆಫ್ ಎರರ್ಸ್”.
ಐತಿಹಾಸಿಕ ಸರಣಿ-
“ಹೆನ್ರಿ ಎಂಪರರ್ಸ್”.

ಸುನೀತಗಳೋ ?!
ಕಾವ್ಯ -ಪ್ರೌಢಿಮೆಯ ತಿರುಳೋ ?!
ನೂರೈವತ್ತಕ್ಕೂ ಮಿಗಿಲು –
ಹೊಳೆ -ಹೊಳೆವಂತೆ ತಾರೆ –
ತುಂಬಿದಾ ಮುಗಿಲು .!!

ಜಗವೇ ನಾಟಕ ರಂಗ
ಜನರೇ ನಟ-ವರ್ಗ!
ರಂಗದಲೇ ಸೃಟಿಸಿದ
ಭೂಮಿ -ನರಕ -ಸ್ವರ್ಗ!!

ನೀ ಬಳಸಿದ ಇಂಗ್ಲಿಷ್
ಜಗಕೆಲ್ಲ ಪಸರಿಸಿ
ಓದುಗರು /ನೋಟಕರು
ಸವಿವರು ಚಪ್ಪರಿಸಿ. .

ಬರೀ ನಾಟಕಕಾರನಲ್ಲ ನೀ
ನಟ- ಕೂಡ,
ಗ್ಲೋಬ್ ಥಿಯೇಟರ್ ಒಡೆಯ/
ನಿರ್ದೇಶಕ ನೋಡಾ !!

ಓ ಶಬ್ದ ಮಾಂತ್ರಿಕ !
ಮನೋಹರ, ರುದ್ರ, ಭೀಕರ-
ರಮಣೀಯ ದೃಶ್ಯ ಸಂಯೋಜಕ !!
ನಿನಗಿದೋ ನಮನ
ಈ ಕವನ
ಭಾವ -ಬುದ್ಧಿ ಸಮ್ಮಿಲನ
ಶತ -ಶತಮಾನದ ಚೇತನ,
ನೆನಪು ನಿನ್ನದು
ನಿತ್ಯ -ನೂತನ -ಚಿರಂತನ!!! .