ಸ್ವಭಾವ ಕೋಳಗುಂದ
ಒಂದು ಕಡೆ ನಿನ್ನ ನೆನಪುಗಳು
ಈ ಮುಸುಕು ಮಳೆಯಂತೆ
ಬಿಟ್ಟೂ ಬಿಡದೆ ಜಿಟಿ ಜಿಟಿ
ಕವುಚಿ ಮಲಗಿದರೂ
ನುಸುಳಿ ಇರಿವ ಚೂರಿ ಚಳಿಯಂತೆ
ಗಲ್ಲಗೈಯ್ಯಾಗಿ ಕಕ್ಕುರುಗಾಲಲ್ಲಿ
ಕುಳಿತು ಕನಸು ಕಟ್ಟಲು
ಈ ಗೋಳ ಭೂಗೋಳದ ಅಂಚಲಿ
ಅವ ಇಂಚಿಂಚಾಗಿ ತೆರೆ ಸರಿಸಿ
ಮಿಣುಕು ಬೆಳಕು ಮಿಂಚು ಹೊತ್ತಿಸಿದ್ದಾನೆ
ಹಟ್ಟಿಯ ರಂಗೋಲಿಯ ಮಧ್ಯ
ಹೂ ನಗುವ ಚೆಂದಿರನ ತುಂಟಾಟ
ಅದುಮಿಟ್ಟ ಭಾವಗಳ ಪರದಾಟ
ತೂಗಿ ತೊನೆದು ಬಿಟ್ಟ ನೆತೆಯಂತ
ನಿನ್ನೊಡನೆ ಕಳೆದ ಗಳಿಗೆಗಳ ಆಟ
ಗಾಲುಗಲ್ಲದ ತುಟಿಯ ಬಯಕೆ
ಓರೆ ಮಾಡಿದ ಕದದ ಹಿಂದೆ ಅವಿತಂತಿದೆ
ಈ ತೋಳು ಎದೆ ಹಾಸು ಕಾಯುತ್ತಲೇ ಇದೆ
ಬರುವ ಇರುವ ಹಾದಿಯ ತಂಬಾ
ನವಿಲುಗಣ್ಣಿನ ಕನಸ ಗಾಯನ
ಚೆಂದದ ಕವಿತೆ