ಜಯರಾಮಚಾರಿ
ಆ ಪೋರ ಬಿಟ್ಟ ದೋಣಿ
ತೇಲಿದ್ದಕ್ಕಿಂತ
ಮುಳುಗಿದ್ದೆಚ್ಚು.
ಅದೆಂತ ಹುಚ್ಚಿನ ಮಳೆ
ನಾಯಂಡಳ್ಳಿ ಫ್ಲೈ ಓವರ್
ಕೆಳಗೆ ನಿಂತವನು ಒದ್ದೆಯಾಗಿದ್ದ ಮುದ್ದೆಯಾಗಿದ್ದ
ಮದ್ವೆ ಮುಂಚೆ ಬ್ಲಾಕ್ ಮಾಡಿ ಹೋದವಳ
ಕೆಟ್ಟ ನೆನಪು ಬೇರೆ
ಆಗಷ್ಟೇ ಹಾಕಿದ್ದ ಟಾರು
ಮಳೆಯ ರಭಸಕ್ಕೆ ಕೊಚ್ಚಿ ಈಜುತ್ತಿತ್ತು
ದಾರಿಹೋಕರು ಕಣ್ ಕಣ್ ಬಿಡುತ್ತಿದ್ದರು
ರಸ್ತೆ ಕಂಟ್ರಾಕ್ಟರು ಮಾಡೆಲ್ ಜೊತೆ
ರೆಸಾರ್ಟ್ ಸೇರಿದ್ದ
ಇಂತ ಬಿಡದ ಮಳೆಗಳಲ್ಲಿ
ಬಿಡದೇ ಕಾಡಿದವಳ ಮಿಥುನದ ಕಾವು
ಹೊಂಗೆ ಮರದ ನೆರಳಲ್ಲಿ
ಹಣ್ಣು ಮುದುಕಿ ಬಿಡುತ್ತಿದ್ದ ಬೋಂಡದ ಹಬೆ
ಮನೆಯೇ ಕೊಚ್ಚಿಹೋದ
ಮನೆಗೆ ಕೊಚ್ಚಿಹೋದ ಮಳೆಯ
ವಿಡಿಯೋಗಳು ವೈರಲ್ಲುಗಳಾದರೆ
ಕೋಲಾರದಲ್ಲೊಂದು ಐದು ದಶಕವಾದರೂ
ತುಂಬದ ಬಾವಿಯಲ್ಲಿ ಕೋಡಿ ಹರಿದಿತ್ತು
ತುಂಬಾ ಚೆನ್ನಾಗಿದೆ