ಗಾಯತ್ರೀ ರಾಘವೇಂದ್ರ
ಚಕಚಕನೆ ಬೆಳಕಾಗಿ
ಕ್ಷಣದಲಿ ನೂರುಚಿತ್ರ
ಎದೆಯೊಳಗೆ ಸದಾ ಬೆಳಗಿಸುವ
ನಗೆ ದೀಪ
ನೋಡದ ಮುಖಗಳುಂಟೆ
ಮೂತಿ ತಿರುವಿ ಕಣ್ ಮಿಟುಕಿ
ದೂರ ದೂರದ್ದೆಲ್ಲ ಆಪ್ತ
ಸಂತಸಗಳ ಆಲ್ಬಂ
ಈಗ ಬೆಳಕಿಲ್ಲ ನನ್ನಲ್ಲಿ
ಒಡೆದ ಲೆನ್ಸು ಕಣ್ ಮಂಜು
ಯಾವತ್ತೋ ಬಿದ್ದ ನೋವು
ಇದೀಗ ಕೊನೆಯ ಹಂತ
ಮಾಸಿದೆ ಬಣ್ಣ ,ಭಾವ
ಕ್ಲಿಕ್ಕಿಸಲಾರದಷ್ಟು ವೇದನೆ
ಖಾಲಿ ಎದೆಯೊಳಗೆ
ನೆನಪಿನ ರೀಲೂ ಸರಿಯುತ್ತಿಲ್ಲ
ತಡಕಿ ಹುಡುಕಿ ಇಡಲಾಗಿದೆ
ಮುರಿದ ಹಲ್ಲುಗಳಲ್ಲೇ ನಗುತ್ತೇನೆ
ಚಿತ್ರಸಂತೆಯಲ್ಲೀಗ
ಚಿತ್ರವಾಗಿ
Super
ಗಾಯತ್ರೀ ಮೇಡಂ ಅವಧಿಯಲ್ಲಿ ನಿಮ್ಮ ಕವಿತೆ ತುಂಬಾ ಚೆನ್ನಾಗಿದೆ…. ನಿಮ್ಮ ಪ್ರತಿಯೊಂದು ಬರಹಗಳು ತುಂಬಾ ಚೆನ್ನಾಗಿರುತ್ತವೆ…ನಿಮಗೆ ಅಭಿನಂದನೆಗಳು
ಚಿತ್ರಸಂತೆಯಲಿ ಈಗ ಚಿತ್ರ ವಾಗಿ
ಬ್ಯುಟಿಫುಲ್
ಮನುಷ್ಯರೂ ಹೀಗೇ