ವೃದ್ಧಕಡಲು
ವಾಸುದೇವ ನಾಡಿಗ್
ಹುಚ್ಚು ಹರಯದ ನದಿಗಳೆಲ್ಲ
ಒಳಗೆ ಕರಗಿ
ಬರಸೆಳೆದು ಭಾವಗಳ
ಮೈಚಾಚಿಕೊಂಡು ಮಲಗಿಬಿಟ್ಟ ಮೌನ
ದಣಿದಕನಸುಗಳೆಲ್ಲವೂ
ದಡದಂಗಳದಲಿ ಬೀಡುಬಿಟ್ಟು ನಿಟ್ಟುಸಿರು
ಅರೆಬರೆ ಅರಳಿ ಮಾಗಿ
ಕೈಬೀಸಿ ಕರೆದ ಕರೆಗಳಿಗೆಲ್ಲ ಕೈ ಅಲ್ಲಾಡಿಸಿ
ಮುನಿದು ಮಾತುಬಿಟ್ಟ ಘಳಿಗೆಗಳ ನೆನಪು
ಹೆಣೆದಿಟ್ಟಿದ್ದ ಹೂ ಇರುಳುಗಳೆಲ್ಲ
ಹಗಲಿನಲ್ಲಿ ಬಾಡಿದಕಮಟು
ಎಂತೆಂಥ ಅಲೆಗಳನ್ನು ತಲೆಗೆ ಸುತ್ತಿಕೊಂಡ
ಕಡುಸಾಹಸ
ಉತ್ಸಾಹದ ಗಾಳಿಬಳುಕಿಗೆ ಬಾಗಿ
ದಡಕ್ಕಪಳಿಸುವಾಗೆಲ್ಲ
ಎಡವಿ ಮತ್ತೆ ಕನಸ ಮೆತ್ತಿಕೊಂಡೇ
ತೀರದ ಈಚೆ ಯಾನ
ಮೌನಿ ಮಾಗಿದ ದೇಹ
ಕಂಬಕ್ಕೊರಗಿಕೊಂಡ ಭಂಗಿ
ವೃದ್ಧ ಮನಸುಗಳಲಿ ದಾಂಗುಡಿಯಿಡುವ
ಕಟುಕ ಒರಟು ಒಂಟಿತನದ ಒಂಟೆ ಹೆಜ್ಜೆಗಳು
ನದಿಗಳನ್ನು ಬರಸೆಳೆದುಕೊಂಡು
ಮರಳಿನಲಿ ಗೂಡುಗಟ್ಟುವ
ಮರುಳಗಿರಿ
ಮುಳುಗಿಸಿಕೊಂಡದ್ದು ತಳದಲಿ ಉಳಿದು
ತೇಲಿಸಿಕೊಂಡದ್ದು ಬರೀ ನೆನಪಾಗಿ
ನಡುನಡುವೆ ನಡೆದ ನಡೆಗಳೆಲ್ಲಾ
ಲೆಕ್ಕಕ್ಕೆ ಸಿಕ್ಕದೇ
ಆಕಾಶಕೆ ಮುಖ ಮಾಡಿದ್ದು
ಅದೇ ಕಕ್ಕಾಬಿಕ್ಕಿ ನಗು
ವೃದ್ಧಕಡಲಿನ ತುಂಬಾ
ಹರಿದುಹೋದವು ಹಡಗು
ಅದಾವುದೋ ಬಂದರ ಹುಡುಕಿ
ಬಳಿಗೆ ಬಂದವರನು ಹಿಂದಿಕ್ಕಿ
ಸಣ್ಣಪುಟ್ಟ ತೆಪ್ಪಗಳು ಏರಿಳಿತಕೆ
ಹೆದರಿದವು
ಕಾಲಪಾತ್ರದ ತುಂಬಾ ಬರೀ ನೆನಪುಗಳ ಜಾತ್ರೆ
ತುಂಬಾ ಚೆನ್ನಾಗಿದೆ; ಕವನ.
very nice..
chennaagide…
Vruddapyada novu hatashe nenapugala kaduveke hige manushya sambandagala kkuritu bhvanatmakavaagi kavithe bareyuva kavi nadig nammolagini gatti e kavitheyu odidare hrudaya tumbi barutade
Nammolaini manatumbuva kavi nadig
Nimma kavitegalu avasaradalli huttodilla alvaa… Sooper kavie
Chennagide
wonderful sir.
oh! thanks snehitare..thanks ranganath