ಆ ಕನ್ನಡಿ ಬೇಕೆಂದರೆ….
ರೂಪ ಹಾಸನ
1
ನನಗಾಗಿ ನನ್ನದೇ ಒಂದು
ಕನ್ನಡಿ ಬೇಕೆಂಬ
ಗುಪ್ತ ಬಯಕೆಗೆ ಬಿದ್ದಿರುವೆ ಗುರುವೆ
ಕನ್ನಡಿಯೇ ಇಲ್ಲವೆಂದಲ್ಲ
ಊರ ತುಂಬಾ ಕನ್ನಡಿ ನೆಟ್ಟಿದ್ದಾರೆ
ಅವರಿಗಿಷ್ಟದ ಪಾದರಸ
ಇವರಿಗಿಷ್ಟದ ಮಾಪಕ
ಅವರಿಗೆ ಬೇಕೆನಿಸಿದಷ್ಟು ಹೊತ್ತು
ಕಾಯಿಸಿ ಎರಕ ಹೊಯ್ದು
ಕನ್ನಡಿ ಮಾಡಿ
ಕುಳ್ಳಿರಿಸಿದ್ದಾರೆ ಕಟ್ಟು ಹಾಕಿ.
ಬಣ್ಣಬಣ್ಣದ ಕನ್ನಡಿ
ಪ್ರತಿಫಲಿಸುವುದೇ ಇಲ್ಲ
ಕಟ್ಟು ಕನ್ನಡಿ!
ಆ ಬಣ್ಣದ ಕನ್ನಡಿಯಲ್ಲೇ
ನಾವೂ ನೋಡಿಕೊಳಬೇಕೆಂದು
ಅದರಲ್ಲಿ ನೋಡಿಕೊಂಡರೆ
ಇದೇನು ಕನ್ನಡಿಯೋ
ಅವರದೇ ಭಾವಚಿತ್ರವೋ?
ಕಣ್ಕಟ್ಟೋ-ಬೆರಗು.
ನನ್ನದೇ ಕನ್ನಡಿಯಿದ್ದರೆ
ಇಡಿಯಾಗಿ ಬಿಡಿಯಾಗಿ
ನಾನು, ನನ್ನ ರೆಕ್ಕೆ ಪುಕ್ಕ
ಒಳಗಿನ ಸೊಕ್ಕು
ಆಳದ ಉಕ್ಕು
ಮುರುಕು ಮುಳ್ಳು
ಅರಳು ಮುದುಡು
ಇಂಚಿಂಚೂ ನೋಡಿಕೊಳುವ
ಹಂಬಲದಲಿ ಕಾದಿದ್ದೇನೆ
ದಾರಿ ತೋರು ಗುರುವೇ.
2
ನಿನ್ನ ತೋರುವ
ಸಿದ್ಧ ಕನ್ನಡಿ
ಎಲ್ಲಿಯೂ ಎಂದಿಗೂ
ಬಿಕರಿಗೆ ಸಿಕ್ಕುವುದಿಲ್ಲ ಕಂದ
ಕನ್ನಡಿ ಬೇಕೇಬೇಕೆಂದರೆ
ಇರುವುದೊಂದೇ ದಾರಿ
ತಕ್ಕಡಿಯಲಿ ಪ್ರತಿಕ್ಷಣ ನಿನ್ನನಿಟ್ಟು
ತೂಗಿ ತೂಗಿ ಅಳತೆ ಮಾಡಿ
ಹಿಂಜಿ ಹಿಂಜಿ ಕಣ ಕಣಗಳಿಗೂ
ಪಾರದರ್ಶಕವಾಗಿಸುವ ಲೇಪ ಬಳಿದು
ತಿಕ್ಕಿ ತೀಡಿ ಉಜ್ಜಿ ಉಜ್ಜಿ
ಆ ನೋವಿಗೆ ಕಾವಿಗೆ
ನಿನ್ನೊಳಗಿನದೆಲ್ಲ ಘನವನೂ
ಪ್ರತಿಫಲನ ಮೂಡುವವರೆಗೆ
ಕರಗಿಸಿ ಕರಗಿಸಿ ತಿಳಿಯಾಗಿಸಬೇಕು.
ಕಂದ, ನೀನೇ ಕನ್ನಡಿಯಾಗಬೇಕು!
yestu chendada ,arthagarbitha kavite.thumba olledide roopa madam.
nice very nice madam…roopakada samartha baLke..!!!!!!!!!
NAVU KANNADIGAAGI HIGE HAMBALISBEKU…… VERY MEANINGFULL POEM MADAM!THANQ
ANU
Thumba arthapurna ruupaka . . . Roopa madma kavithe!
kannadi bekendare….. nine kannadiyagabeku! wonderful! but it is very difficult to become a KANNADI as you said madam!
Ahani
ishTAvaayitu
ಪದ್ಯ ಓದುತ್ತಾ ಓದುತ್ತ ನನ್ನನ್ನು ನಾನೇ ನೋಡಿಕೊಂಡೆ.ಪದ್ಯ ತುಂಬಾ ಚೆನ್ನಾಗಿದೆ.
ಅಕ್ಕ, ಕಂದ ನೀನೇ ಕನ್ನಡಿಯಾಗಬೇಕು, ಸಾಲಿನಲ್ಲಿ ಹೊಸಬೆಳಗು ಮೂಡಿತು. ಧನ್ಯವಾದಗಳು.
spandisida sahrudayarigella dhanyavadagalu…..
nice poem