ಮರಳಿ ಬಾ ಒಲವೆ
ದೇವಯಾನಿ
ಹೆಜ್ಜೆ ಮೂಡಿದ ಹಾದಿಗಳಲಿ
ತರಗೆಲೆಗಳ ಮೊರೆತ
ಬೀಸು ಗಾಳಿಯ ಸುಯ್ಯಲಿನಲ್ಲಿ
ಕೊರೆವ ನೆನಪುಗಳು
ಎಲ್ಲೋ ಅಲೆವ ಎದೆ
ಜಾರಿದೊಲವು ಎಷ್ಟು ದಣಿದಿದೆಯೋ
ಕದ ಮುಚ್ಚಿದ ಮನೆಯೆದುರು
ನಿಂತರೆ ತಾಣವಿದೆಯಾ ನಿನಗಲ್ಲಿ
ಒಲವೆ?
ಕಳೆದು ಹೋದ ದಿನ ,ಕ್ಷಣಗಳಲಿ
ಕಳೆದುಹೋಗುತ್ತಿದ್ದೇವೆ ಹೀಗೇ…
ಹಬೆಯಾಡುವ ವಾಸ್ತವದಲ್ಲಿ
ಕರಗಿ ನೀರಾಗುವ ಕನಸುಗಳಲಿ…
ಇಡಿಯಾದ ಬದುಕಲ್ಲಿ ಹಿಡಿ
ಯಷ್ಟು ಹೃದಯ
ಹುಡುಕುವುದು ಒಂದಷ್ಟು
ಒಲವು
ಅಲೆವ ಮನಕೆ ನಿಲ್ಲಲೆಡೆಯಿಲ್ಲ
ಕನ್ನಡಿಯೊಳಗಿನ ಪ್ರತಿಬಿಂಬ ಗುರು
ತಾಗುವುದೇ ಇಲ್ಲ
ಮರಳಿ ಬಾ ಒಲವೆ
ಎದೆಗುಡಿಗೆ
ಪ್ರೀತಿಯೊಂದೇ ಅಪರೂಪ
ದ ಸರಕು ಜಗದೊಳಗೆ
ಪ್ರೀತಿಯನ್ನು ಹೀಗೆ ಕರೆದು
ಹೃದಯದಲ್ಲಿ ಕೂರಿಸುವುದು ಎಷ್ಟು ಹಿತ.ಚೆನ್ನಾಗಿದೆ.
Thumba chennagide
‘ಪ್ರೀತಿಯೊಂದೇ ಅಪರೂಪ
ದ ಸರಕು ಜಗದೊಳಗೆ’… ಇಷ್ಟ ಆಯ್ತು.
Kvana tumba chennagide. Heege bareyuttiri.