ಬೆಳ್ಮುಗಿಲು
ಬಿದಲೋಟಿ ರಂಗನಾಥ್
ರಣಗತ್ತಲ ತುಂಬೆಲ್ಲ
ಬೆಳ್ಮುಗಿಲ ಛಾಯೆ
ಇದ್ಯಾತರ ಅಂಗೈಮಾಯೆ
ಕತ್ತಲಲಿ ಕಾದು ಹೈರಾಣಾದ
ಕಪ್ಪಂಚಿನ ದಿಗಂತ ತಾರೆ
ಗಿಡ ಬಳ್ಳಿಯ ನಡುವು ಬಳುಕಾಡಿ
ಗಾಳಿಯ ಮಧುರ ಮಾಧುರ್ಯ
ಚುಂಬನಕೆ ಮನಸೋತು
ಅಂತರ್ಗಾಮಿ ಭೋರ್ಗರೆದ ದರ್ಪಕೆ
ಬೆಟ್ಟಗುಡ್ಡಗಳ ಚೆಲುವು ಬಾಯ್ಬಿಟ್ಟವು
ಅಂಗಾತ ಮಲಗಿ.
ಕಲ್ಲು ಸೀಳಿ ಎರಡಾಗಿ
ಬಾನಿಗೆ ಮರುಕ ಉಂಟಾಗಿ
ಬೆಳದಿಂಗಳು ನಕ್ಕಿತು
ನಾಡಿಗೆಲ್ಲ ಬೆಳಕು ಬಾಗಿ…
ಅಬ್ಬಾ! ಇದೆಂಥಾ ಚೆಲುವು
ಮೈ ಮನವೆಲ್ಲ ಬೆಳ್ಮುಗಿಲು
ನಯನಗಳೆಲ್ಲ ಶ್ವೇತ ಕಣಜವೂ
ತಂಪಾದ ಹೃದಯ ಭಾಗದ
ಭೂ ಮಂಡಲವು.
ಕೊನೆಯ ಸ್ಟಾಂಜ ತುಂಬ ಚೆನ್ನಾಗಿದೆ. ಬೆಳ್ಮುಗಿಲ ಅಭಿವ್ಯಕ್ತಿ ಸುಂದರವಾಗಿದೆ.
nice..
“Beladingalu nakkitu naadigellaa belaku naagi” abhivyakti sundaravaagide.