ರಾಜಾರೋಷ
ನಂದಿನಿ ಹೆದ್ದುರ್ಗ
ಮೂರನೇ ಕಣ್ಣು ಮುಚ್ಚಿ ಸುಮ್ಮನೇ
ಮಲಗು
ಭಗವಂತನೇ,
ನಿನಗೇನು ಗೊತ್ತು
ರಾಜಾರೋಷ ಪ್ರೇಮದ ಕುರಿತು?
ಜಡೆಯಲ್ಲಿ ಅಡಗಿಸಿ
ಗೌರಿಯ ಕಣ್ಣು ತಪ್ಪಿಸಿ
ಗಂಗೆಯ ತೆಕ್ಕೆ ಸೇರುವವ ತಾನೇ ನೀನು?
ನಾನಾದರೋ
ಜೋಡಿ ಹೆಜ್ಜೆಗುರುತಗಳ ಬೇಜಾನು
ಬಿಟ್ಟು ಬಂದಿರುವೆ ರೇವೆಯಲ್ಲಿ.
ಜಗದೆದಿರು
ತೆರೆದುಕೊಳ್ಳುವುದರ ಖುಷಿಯ
ಪಾಠವ
ಓದಿಕೋ ಹೋಗಿ
ಬೇಕಾದರೆ
ಅದೋ ಆ ತೀರದಲ್ಲಿ.
Very nice Nandini. I like reading your poems. Keep writing ✍️