ಹೊಸತು ಸಂವಾದ

ಶ್ವೇತ ಎಂ.ಯು 

ಬೆಳದಿಂಗಳು ಚೆಲ್ಲುತ್ತಿದೆ ಪ್ರೀತಿಯ ಉನ್ಮಾದ
ಪುಟಿಯುತ್ತಿದೆ ನವಜೀವನ ಹೊಸತು ಸಂವಾದ

ಝೇಂಕರಿಸಿವೆ ಮೋಡಗಳು ಒಲವಿನ ಮಳೆ ಸುರಿಸಿ
ಹಸಿರಾಯಿತು ಬಂಜರುನೆಲ ಆನಂದದಿ ಆಲಂಗಿಸಿ

ಹರಿಯ ಬೇಕು ಜೀವನದಿ ಅಡೆತಡೆಗಳ ಮೀರಿ
ಎದಿರಾಗುವ ಗುಡ್ಡಗಳ ಹೂಂಕರಿಸಿ ಸವಾರಿ

ಮೀರ ಬೇಕು ಕಟ್ಟು ಪಟ್ಟು ಸೌಹಾರ್ದತೆ ತೋರಿ
ಸಾಗಬೇಕು ರಹದಾರಿ ಮಾನವತೆಯ ಸಾರಿ

ಓ ಬನ್ನಿ ಸಡಿಲಗೊಂಡ ಸಂಬಂಧಗಳ ಬೆಸೆಯುವ ಒಡಗೂಡಿ
ಸಹಬಾಳ್ವೆಯ ನೇಗಿಲನ್ನು ಹೂಡುವ ತ್ವರೆಮಾಡಿ

ಬಿತ್ತೋಣ ಬೆಳೆಯೋಣ ಆನಂದದ ದವಸ
ಹಂಚೋಣ ತಿನ್ನೋಣ ಪ್ರೀತಿಯ ನವ ಚೇತ