ಎಚ್ ಗೋಪಾಲಕೃಷ್ಣ

ಅರವತ್ತರ ಚಲುವೆ
ಹಾದು ಹೋದರೆ ನಿಂತು ಮತ್ತೊಮ್ಮೆ ನೋಡಬೇಕು
ಒಂದು ಕಾಲದಲ್ಲಿ ಮೊಳದುದ್ದ ಇದ್ದ ಜಡೆ
ವಿಶಾಲವಾಗಿ ಹರಡಿರುವ ಕೂದಲು
ಎತ್ತರದ ಬಾಗದ ನಿಲುವು
ಮುಗಿಲುದ್ದ ನಿಂತ ನಿಲುವು
ಗುಂಡು ಸೌಂದರ್ಯ ತುಂಬಿದ ಮುಖ
ದೊಡ್ಡ ಹಣೆಯ ರೂಪಸಿ
ನಕ್ಕರೆ ಮಿಂಚುವ ಬಿಳಿಯ ದಾಳಿಂಬೆ
ಮನ್ಮಥನ ರತಿದೇವಿ ಕಾಮದರಗಿಣಿ
ಅಂದು ಅವಳು ಇಪ್ಪತ್ತರ ಚೆಲುವೆ
ಅದೇ ಎತ್ತರದ ಬಾಗಿದ ನಿಲುವು

ಬಾಬ್ ಆದ ಬಿಳಿಯ ಹಂಜಿ ತಲೆಯ ಮೇಲೆ
ನಕ್ಕರೆ ಎದ್ದು ಕಾಣುವ ಮುರಿದ ಹಲ್ಲು
ಬಿಟ್ಟರೆ ಬಾಯಿ ಉದ್ಧಾರ ಕುಲಕೋಟಿ
ಅನುಭವ ತುಂಬಿದ ಮೈ
ಮಾಗಿದ ಮನಸು ಪ್ರಪಂಚ ಬಗೆದ ಕಣ್ಣು
ಬರಿಗಾಲ ನಡಿಗೆ, ಓಟ
ಗೆಲಲಿಲ್ಲ ಪ್ರಶಸ್ತಿ ಪದಕ
ಆದರೂ ಉಂಟು ಸಮಾಧಾನ
ಈ ಸಿದೆ ಇದ್ದು ಜೈಸಿದೆ
ಜತೆಯವರ ಕರೆದೊಯ್ದೆ ಒಟ್ಟಿಗೆ
ಕಟ್ಟಿದ ಪೊರಕೆಯ ಹಾಗೆ..
ಅರವತ್ತರ ಚೆಲುವೆ ಈಗವಳು
ಎಪ್ಪತ್ತರ ಹರೆಯದ ಯುವಕನಿಗೆ
ಬಾಳು ಕೊಟ್ಟವಳು ಮಾತೃ ಹೃದಯಿ