ಲಾಲಸೆ
ಶ್ರೀದೇವಿ ಕೆರೆಮನೆ
ನೀನು ಇಷ್ಟ ಪಟ್ಟೆ ಎಂದು
ಮೊಲೆ ತೊಟ್ಟಿಗೆ ಕಹಿಬೇವು ಲೇಪಿಸಿ
ಮಗುವಿನ ಹಾಲು ಬಿಡಿಸಿದೆ
ಹಾಲು ಕಟ್ಟಿದ ಮೊಲೆಗೀಗ
ಬಾವು ಬಂದಿದೆ
ಬಚ್ಚಲಿನ ಚಿಲಕ ಹಾಕಿ
ಕಷ್ಟಪಟ್ಟು ಹಾಲು ಹಿಸುಕಿ
ಅನಾಥವಾಗಿ ಚೆಲ್ಲಿ ಮೇಲೊಂದಿಷ್ಟು
ಬಿಸಿನೀರ ಶಾಕ ಕೊಟ್ಟು
ಬಿಸಿಯಾದ ನಿಟ್ಟುಸಿರಿಟ್ಟು
ಮಲಗಲೆಂದು ಬಂದರೆ…
ನಿನ್ನ ಪಕ್ಕದಲ್ಲಿ ಮಲಗಿದ್ದ ಮಗು
ಕನಸಿನಲ್ಲೂ ಹಾಲು ಕುಡಿದಂತೆ
ಬಾಯಿ ಚಪ್ಪರಿಸುತ್ತಿದೆ
ಈಗ,
ನನ್ನ ಕಣ್ಣ ತುಂಬಾ ನೀರ ಪಸೆ
ಜೊತೆಗೆ ನಿನ್ನ ಕಣ್ಣಿನಲ್ಲೂ…..
ಇದು ಬರೀ ಕವಿತೆಯಲ್ಲ…ಹೆಣ್ಣಿನ ಚರಿತ್ರೆಯೂ ಕೂಡಾ.
heart touching..very very nice..
so so nice
ಕಣ್ಣ ನೀರಿನ ಪಸೆಯ ಅಮ್ಮನಿಂತೇಕಾದಳೋ.. ಸಹಜ ಧರ್ಮವ ತ್ಯಜಿಸಿ!
ಮನ ಕಲಕುವ ಕವನ..
ಉಷಾ ಫಾಟಕ್
shridevi,hennina sankatagalu onderadalla…ella anusankatagale….edehinduva abhivyakthi…vnalini
best ide – raju hegde
nanna kannalu neera hani.adella mugidu hoda kanasinante.
ಮಮತೆಯ ಕಡಲಿನ ಅಲೆ ಅಪ್ಪಳಿಸಿದ ಸದ್ದು..
thank you all