ರಮೇಶ್ ನೆಲ್ಲೀಸರ
ಈ ಸಂತೆಯ ಸಾವಿರ ಮುಖಗಳ
ನಡುವೆ ನಿಂತು
ಕಳೆದುಹೋಗಬಹುದಾದ ಜುಜುಬಿ
ಸಾಧ್ಯತೆಯನ್ನಾದರೂ ಹುಡುಕಬೇಕು
ಚಿಂತೆಯಿಲ್ಲದವನಿಗಿಲ್ಲಿ ನಿದ್ದೆ ಬರಬಹುದೇನೋ,
ನಾನಂತು ಈ ರಗಳೆಗಳ ಬೀದಿಯ
ನಟ್ಟನಡುವೆ ಉಸಿರಿಡಿದು
ಕಳೆದುಹೋಗುವ ಕಚ್ಚಾ ದಾರಿಯೊಂದನ್ನು ಹುಡುಕಬೇಕು
ಮೆದುಳು ನುಂಗುವ ಈಜಿಪ್ಟಿನ
ಕಾಲ್ಪನಿಕ ಕೀಟದಂತೆ,
ಹೆಗಲೇರಿದ ಸಮಸ್ಯೆಗಳ ಜೊತೆಗೊಂದು ಜಾಲಿ ರೌಂಡು ಹೊಡೆದು
ಅದೂ-ನಾನೂ ಹೊಡೆದಾಡಿಕೊಂಡು
ಕೊನೆಗೆ ಏನಾದರೊಂದು ಜರುಗಲಾದರೂ,
ಇನ್ನೊಮ್ಮೆ ನಾನು ಕಳೆದುಹೋಗಬೇಕು.
ನೂರು ಬಾಯಿಗಳ ನಡುವೆ
ನನ್ನ ಕೇಳಿಸಿಕೊಳ್ಳಬಹುದಾದ
ನನ್ನದೇ ಕಿವಿಯನ್ನು ಒಮ್ಮೆ
ಮಾತನಾಡಿಸಿ
ಎಲ್ಲ ಜಂಜಾಟಗಳ ಜೊತೆಗೆ
ಕಳೆದು ಮತ್ತೆ ಮೇಲೇರುವ
ಹಾಗೆ,ಇನ್ನೊಮ್ಮೆ ಕಳೆದುಹೋಗಬೇಕು…..
Chennagide
ಕಳೆದುಹೋಗುವ ಮುನ್ನ ಅನುಭಾವದ ಅಂಗಳದಲ್ಲಿ ಮೆರೆದುಬಿಡಬೇಕು…
uttama pryatna sir..
vastu chennagide.
ಚೆನ್ನಾಗಿದೆ.