ವಿವೇಕ ನಂಬಿಯಾರ್ ಗೆ ಮೊನ್ನೆ ನಿಧಿ ಸಿಕ್ಕಿತು. ಅಂತಿಂತ ನಿಧಿ ಅಲ್ಲ. ಚಿನ್ನದ ಗಟ್ಟಿಗೂ ಮೀರಿದ್ದು. ತಾವು ೨೭ ವರ್ಷಗಳ ಹಿಂದೆ ಆಗತಾನೆ ಅಂಬೆಗಾಲಿಟ್ಟು ಶಾಲೆಗೆ ಹೋಗುತ್ತಿದ್ದಾಗ ಬಳಸುತ್ತಿದ್ದ ಸ್ಲೇಟು. ಆಹಾ! ಅದರ ಮೇಲೆ ಶಾಲೆಯಲ್ಲಿ ಸ್ಪಷ್ಟವಾಗಿ ವಿವೇಕ ನಂಬಿಯಾರ್ ಅಂತ ಬರೆದಿದ್ದಾರೆ. ಮಂಗಳೂರಿನ ಸೇಂಟ್ ಆಗ್ನೆಸ್ ಶಾಲೆಯಲ್ಲಿ ಅಕ್ಷರ ಅಭ್ಯಾಸಕ್ಕೆ ಕಾಲಿಟ್ಟ ನಂಬಿಯಾರ್ ಈಗ ಓದು ಮುಗಿಸಿ ಕೆಲಸಕ್ಕೆ ಸೇರಿ ಎಷ್ಟೋ ವರ್ಷಗಳಾದ ಮೇಲೆ ಈ ಸ್ಲೇಟ್ ಅವರ ಎದುರು ನಿಂತು ಕಣ್ಣು ಮಿಟುಕಿಸಿದರೆ ಹೇಗಾಗಿರಬೇಡ?