ಅಕ್ಷಯ ಕಾಂತಬೈಲು
ನಿದ್ರೆಯ ಕಾಲಬೆರಳು
ಅವಳ ಕಾಲಬೆರಳುಗಳ
ನೆಕ್ಕುತ್ತಾ ಬದುಕುತ್ತಿರುವ
ಜೀವಗಳ ಬಗೆಗೆ ಸೋಜಿಗವೆನಿಸುವುದಿಲ್ಲ
ಅವಳು ಹುಟ್ಟಿದ್ದೇ ಇರುಳನ್ನು ಹಗಲು
ಮಾಡಲು ಮತ್ತು ಹಗಲನ್ನು ಇರುಳು ಮಾಡಲು
ಸೂರ್ಯ ಚಂದಿರರೂ ದಿನದ ಕೆಲಸ
ಮಾಡಿ ದಣಿದು ಬಂದು ಇವಳ ಹಾಸಿಗೆಯನ್ನೇ
ಆಧರಿಸುವುದುಂಟು!
ಒಮ್ಮೆ ಇವಳೊಂದಿಗೆ ಮಲಗಿದರೆ ಏಳಲು
ಮನಸಾಗದು
ಹಣ್ಣುಹಣ್ಣು ಮದುಕ ಹೇಳುತ್ತಾನೆ:
ರಾಮಾಯಣ ಕಾಲದವಳಾದ ಈಕೆ
ಕುಂಭಕರ್ಣನಿಗೆ ಹತ್ತಿರದ ಸಂಬಂಧಿ
ಒಮ್ಮೆ ಅವಳ ಮೇಲೆ ಆಸೆ ಹುಟ್ಟಿದರೆ
ಮಾಯಾ ದಿಂಬಿನಂತೆ ಬಂದ ಆಕೆಯ
ತೊಡೆಗೆ ತಲೆ ಒರಗುವುದಂತೆ
ಎದ್ದಾಗ ಬಾಯಿ ಅವಳ
ಕಾಲಬೆರಳಿನಲ್ಲಂತೆ!
ಚೆನ್ನಾಗಿದೆ
CHENNAGIDE.
pratikriyege dhanya.
fine
ಚನ್ನಾಗಿದೆ.ಇಷ್ಟವಾಯಿತು.