ಕೊಂಕಣಿ ಮೂಲ: ಜೊ.ಸಿ.ಸಿದ್ದಕಟ್ಟೆ
ಕನ್ನಡಕ್ಕೆ: ಜಾನ್ ಸುಂಟಿಕೊಪ್ಪ
ಹೊಸ ವರುಷದ ದಿನ
ಮನೆಗೆ ಅಕ್ಕ ಬಂದಾಗಿತ್ತು
ಸೂಟುಕೇಸಿನೊಂದಿಗೇ…!
ಮುಳ್ಳು ಬೇಲಿಯ ಉಬ್ಬುತಗ್ಗುಗಳನ್ನುಸವರುತ್ತಾ ಹತ್ತಿದ ಹಾವು
ಪೊರೆ ಕಳಚುತ್ತಿತ್ತು…
ಧಾವಂತದಿಂದ ನಾನು ಓಡಿದ್ದೇ ಓಡಿದ್ದು,
ಅರ್ಧ ಪೊರೆಯೊಂದಿಗೇ ಹಾವು ಮರೆಯಾಯಿತು,
ಬೇಲಿಗೆ ಅಡರಿದ ಉಳಿದ ಪೊರೆಗೆ ಕೈ ಚಾಚಿದೆ-
‘ದೂರ ಹೋಗೋ..ಮುಟ್ಟಬ್ಯಾಡ,,,’
ಅಕ್ಕ ಅರಚಿದಳು,
ಅವಳ ಬಾಲವನ್ನೇ ಮೆಟ್ಟಿದ್ದೇನೆಂಬಂತೆ!
ಪಂಜರದಲ್ಲಿನ ಆ ಹಕ್ಕಿ ಪಿರಿಪಿರಿಗುಟ್ಟುತ್ತಿದೆ,
ಅಕ್ಕನ ಆಲಾಪವೂ ಪೊರೆ ಕಳಚುವಂತಿದೆ,
ಇಬ್ಬರದೂ ಎಂತಹ ಸಂಧಾನವೋ ಕಾಣೆ
ಅಕ್ಕ ತೆರೆದ ಬಾಗಿಲಲೇ
ಹಕ್ಕಿ ತೇಲಿ ಅನಂತತೆಯಲಿ ಲೀನವಾಯಿತು.
ನೆತ್ತಿಗೇರಿದ ಪಿತ್ತದೊಂದಿಗೇ
ಅಕ್ಕಳ ಹುಡುಕಿದೆ
ಅವಳು ವಯ್ಯಾರದಿಂದ ಪುಸ್ತಕದಲ್ಲಿ ಮುಳುಗಿದ್ದಳು,
‘ಹಕ್ಕಿಯಂತೆ ಹಾರುವುದು ಹೇಗೆ!?
Nice..
Thank you madam
ಹಲೋ ಜಾನ್ ಸುಂಟಿಕೊಪ್ಪ. ನಾನು ಶೀಲಾ ಸುಂಟಿಕೊಪ್ಪ ಈಗ ಶೀಲಾ ಹಾಲ್ಕುರಿಕೆ. ನಿಮ್ಮದು ಯಾವ ಸುಂಟಿಕೊಪ್ಪ.
ನಿಮ್ಮ ಕವನ ನನಗೆ ತುಂಬಾ ಹಿಡಿಸಿತು. ಅಕ್ಕ ಹಕ್ಕಿಯಂತೆ ಹಾರಲು ಪೊರೆ ಕಳಚಿದ್ದಾಳೆ. ತುಂಬಾ ಸಂತೋಷದ ವಿಷಯ.
Thanks madam, nannadu kodagina Suntikoppa. Tumba santoshada vishaya .navu yellige hodaru Suntikoppa nammanna bidalla.