ನಿನ್ನೆ ಅವಧಿಯಲ್ಲಿ ಕಲಾವಿದ ಹಾದಿಮನಿ ಅವರ ಒಂದು ಚಿತ್ರ ಪ್ರಕಟಿಸಿದ್ದೆವು

ಅದಕ್ಕೆ ಸಂವಾದಿಯಾದ ತಮ್ಮ ಒಂದು ಕವನವನ್ನು ಅರುಣ್ ಜೋಳದ ಕೂಡ್ಲಿಗಿ ಅವರು ಕಳುಹಿಸಿದ್ದಾರೆ

ಕಲೆ ಮತ್ತು ಕವನದ ಈ ಜುಗಲ್ ಬಂದಿ ನಿಮಗಾಗಿ

ಅರುಣ್ ಜೋಳದ ಕೂಡ್ಲಿಗಿ

ನಮ್ ಕಾಲದ ಕತಿ

-ಒಂದ್ಸಾರಿ-
ಡ್ರಗ್.. ಡ್ರಗ್.. ಡ್ರಗ್ಗುನಕ್ಕುನ್.. ಡ್ರಗ್.. ಡ್ರಗ್.. ಡ್ರಗ್ಗುನಕ್ಕುನ್.. ಡ್ರಗ್.. ಡ್ರಗ್.. ಡ್ರಗ್ಗುನಕ್ಕುನ್
ಡ್ರಗ್ಗುನಕ್ಕುನ್.. ಡ್ರಗ್ಗುನಕ್ಕುನ್.. ಡ್ರಗ್ಗುನಕ್ಕುನ್.. ಡ್ರಗ್ಗುನಕ್ಕುನ್.. ಡ್ರಗ್ಗುನಕ್ಕುನ್
ಡ್ರಗ್ಗುಂತ.. ಡ್ರಗ್ಗುಂತ.. ಡ್ರಗ್ಗುಂತ.. ಡ್ರಗ್ಗುಂತ.. ಡ್ರಗ್ಗುಂತ.. ಡ್ರಗ್ಗುಂತ.. ಡ್ರಗ್ಗುಂತ.. ಡ್ರಗ್ಗುಂತ..
ಡ್ರಗ್..ಡ್ರಗ್.. ಡ್ರಗ್..ಡ್ರಗ್.. ಡ್ರಗ್..ಡ್ರಗ್.. ಡ್ರಗ್..ಡ್ರಗ್.. ಡ್ರಗ್..ಡ್ರಗ್.. ಡ್ರಗ್..ಡ್ರಗ್..
 
ನಮ್ ಕಾಲದ ಕತಿನಾ ನಿಮ್ಗಳ ಮುಂದೆ ಹೇಳಕತ್ತಿನೋ ದೈವ ಸಾರಕತ್ತಿನೋ..
ನೀವ್ಗಳೆಲ್ಲಾ ಚಿತ್ತ ಇಟ್ಟು ಕೇಳ್ರಪ್ಪೋ ದೈವೋ.. ಕೇಳ್ರಪ್ಪೋ ದೈವೋ..
 
ನಮ್ ತೆಲಿಯಾಗ ಅವ್ರ ನಡ್ದಾಡೋ ಸಪ್ಳ ಕೇಳ್ತದೋ ದೈವ.. ಸಪ್ಳ ಕೇಳ್ತದೋ..
ಕಾಲಿಡ್ದ ಎಳಿಯಾಣಂದ್ರ ಹಿಡ್ದ ಕೈ ಕಿತ್ತ ಹೋಗ್ಯಾದೋ ದೈವ.. ಕಿತ್ತ ಹೋಗ್ಯಾದೋ..
ತಲೆಗಳ್ನೆಲ್ಲಾ ಸೂಜಿಲ್ಪೊಣಿಸಿ ಹಾರ ಮಾಡ್ಯಾರೋ.. ದೈವ.. ಹಾರ ಮಾಡ್ಯಾರೋ..
ಮದ್ದಿನ್ ಸೂಜಿ ಚುಚ್ಚಿ ನಮಗ ಎಚ್ಚರ ತಪ್ಸ್ಯಾರೋ ದೈವ ಎಚ್ಚರ ತಪ್ಸ್ಯಾರೋ
ತಲೆಗಳ ಒಳ್ಗ ಸುರಂಗ ಮಾಡಿ ರೈಲು ಬಿಟ್ಟಾರೋ ದೈವ.. ರೈಲು ಬಿಟ್ಟಾರೋ..
ರೈಲ್ನ್ಯಾಗವ್ರು ಹ್ಯಾಪಿ ಜರ್ನಿ ಮಾಡ್ಯಾರೋ ದೈವ.. ಜನರ್ ಅಂತಾರೋ..
ತಲಿ ಒಳ್ಗಿನ್ ಮಿದ್ಳು ಕಿತ್ತು ಪ್ರಿಂಟ್ ತೆಗ್ಸ್ಯಾರೋ ದೈವ.. ಪ್ರಿಂಟ್ ತೆಗ್ಸ್ಯಾರೋ..
ಇವ್ಗಳ್ನೆಲ್ಲಾ ಹಂಚ್ಕೊಂಡೋದಿ ಆಳಾಕತ್ಯಾರೋ ನಮ್ಮನ್ ಆಳಾಕತ್ಯಾರೋ..

ಕಲೆ : ಹಾದಿಮನಿ
 
ನಮ್ ಕಾಲದ ಕತಿನಾ ನಿಮ್ಗಳ ಮುಂದೆ ಹೇಳಕತ್ತಿನೋ ದೈವ ಸಾರಕತ್ತಿನೋ..
ನೀವ್ಗಳೆಲ್ಲಾ ಚಿತ್ತ ಇಟ್ಟು ಕೇಳ್ರಪ್ಪೋ ದೈವೋ.. ಕೇಳ್ರಪ್ಪೋ ದೈವೋ..
ಕೆ..ಕೆ..ಕೆ.. ಕೆ..ಕೆ..ಕೆ.. ಕೆ..ಕೆ..ಕೆ.. ಕೆ..ಕೆ..ಕೆ.. ಕೆ..ಕೆ..ಕೆ..ಕೇಕ್ಕಕ್ಕಣ
-ಎಲ್ಡ್ಸಾರಿ-
ಡ್ರಗ್.. ಡ್ರಗ್.. ಡ್ರಗ್ಗುನಕ್ಕುನ್.. ಡ್ರಗ್.. ಡ್ರಗ್.. ಡ್ರಗ್ಗುನಕ್ಕುನ್. ಡ್ರಗ್ಗುನಕ್ಕುನ್.. ಡ್ರಗ್ಗುನಕ್ಕುನ್..
ಡ್ರಗ್ಗುಂತ.. ಡ್ರಗ್ಗುಂತ.. ಡ್ರಗ್ಗುಂತ.. ಡ್ರಗ್ಗುಂತ.. ಡ್ರಗ್ಗುಂತ.. ಡ್ರಗ್ಗುಂತ.. ಡ್ರಗ್ಗುಂತ.. ಡ್ರಗ್ಗುಂತ..
ಡ್ರಗ್..ಡ್ರಗ್.. ಡ್ರಗ್..ಡ್ರಗ್.. ಡ್ರಗ್..ಡ್ರಗ್.. ಡ್ರಗ್..ಡ್ರಗ್.. ಡ್ರಗ್..ಡ್ರಗ್.. ಡ್ರಗ್..ಡ್ರಗ್..
 
ನಮ್ ಕಾಲದ ಕತಿನಾ ಮತ್ತೆ ಹೇಳ್ತೀನಿ ಕೇಳ್ರಪ್ಪೋ ದೈವ ಚಿತ್ತ ಇಟ್ಟು ಕೇಳ್ರಪ್ಪೋ ದೈವ
ಜೋರು ಮಳೆಗೆ ಮನೆಯ ಸೂರು ಕಿತ್ತ ಹೋಗ್ಯಾದೋ ದೈವ ಕಿತ್ತ ಹೋಗ್ಯಾದೋ
ಬಯಲಾಗಿದ್ರೂ ಗಾಳಿ ಬೆಳಕಿಗೆ ಫೀಜು ಕೇಳ್ತರೋ ದೈವ ಫೀಜು ಕೇಳ್ತರೋ
ಉಣ್ಣೋ ತಟ್ಟೀಲಿ ಕಾಲಿಟ್ಟು ಅವ್ರು ನಡದಾ ನಡಿತಾರೋ ದೈವ ನಡದಾ ನಡಿತಾರೋ..
ನಮ್ ತುತ್ತಿನ ಜತಿಗೆ ಅವ್ರ ಕಾಲ್ ಗುರ್ತು ಹೊಟ್ಟಿ ಸೇರ್ಯಾದೋ ದೈವ ಹೊಟ್ಟಿ ಸೇರ್ಯಾದೋ
ನಮ್ ಬೊಗಸೆಯೊಳಗಿನ ನೀರ್ನ್ಯಾಗ ಅವ್ರ ನೆರ್ಳು ಕುಣಿತಾದೋ ದೈವ ನೆರ್ಳು ಕುಣಿತಾದೋ
ನೀರ್ನ್ಯಾಗ ನಮ್ ಮೂರ್ತಿ ಕೆತ್ತೋ ಕಲಾಕಾರ್ರಪ್ಪಾ ಅವ್ರು ಕಲಾಕಾರ್ರಪ್ಪಾ..
ನಮ್ ಕಣ್ಣೀರ್ನು ಮಾರ್ಕೆಟ್ನಾಗ ಮಾರಕತ್ಯಾರೋ..ಅವ್ರು ಮಾರಾಕತ್ಯರೋ..
ಗಾಳಿನ ಹಿಡ್ದ ಕಟ್ಟಿ ನಮ್ ಉಸ್ರು ಕೀಳ್ತರೋ ದೈವ ಉಸ್ರು ಕೀಳ್ತರೋ..
 
ನಮ್ ಕಾಲದ ಕತಿನಾ ನಿಮ್ಗಳ ಮುಂದೆ ಸಾರಕತ್ತಿನೋ ದೈವ ಹೇಳಕತ್ತಿನೋ..
ಹಿಂಗೈತ್ ನೋಡ್ರಪ್ಪ ಇದು ಕಾಲದ್ ಮಹಿಮೆ ನಮ್.. ಕಾಲದ್ ಮಹಿಮೆ..
 
ಕೆ..ಕೆ..ಕೆ.. ಕೆ..ಕೆ..ಕೆ.. ಕೆ..ಕೆ..ಕೆ.. ಕೆ..ಕೆ..ಕೆ.. ಕೆ..ಕೆ..ಕೆ..ಕೇಕ್ಕಕ್ಕಣ
ಹೆ..ಹೆ..ಹೆ.. ಹೆ..ಹೆ..ಹೆ.. ಹೆ..ಹೆ..ಹೆ.. ಹೆ..ಹೆ.ಹ್ಹೇ..ಹೇಹ್ಹೆಹ್ಹೇ..
 
-ಮೂರ್ಸಾರಿ-
ಡ್ರಗ್.. ಡ್ರಗ್.. ಡ್ರಗ್ಗುನಕ್ಕುನ್.. ಡ್ರಗ್.. ಡ್ರಗ್.. ಡ್ರಗ್ಗುನಕ್ಕುನ್. ಡ್ರಗ್ಗುನಕ್ಕುನ್.. ಡ್ರಗ್ಗುನಕ್ಕುನ್..
ಡ್ರಗ್ಗುಂತ.. ಡ್ರಗ್ಗುಂತ.. ಡ್ರಗ್ಗುಂತ.. ಡ್ರಗ್ಗುಂತ.. ಡ್ರಗ್ಗುಂತ.. ಡ್ರಗ್ಗುಂತ.. ಡ್ರಗ್ಗುಂತ.. ಡ್ರಗ್ಗುಂತ..
ಡ್ರಗ್..ಡ್ರಗ್.. ಡ್ರಗ್..ಡ್ರಗ್.. ಡ್ರಗ್..ಡ್ರಗ್.. ಡ್ರಗ್..ಡ್ರಗ್.. ಡ್ರಗ್..ಡ್ರಗ್.. ಡ್ರಗ್..ಡ್ರಗ್..
 
ಬೆಟ್ಟ ಬೆಟ್ಟಗಳ ಹೊಟ್ಟೆಯ ಅಗೆದು ಲಾರಿಗೆ ತುಂಬ್ಯಾರೋ ಅಣ್ಣ.. ಲಾರಿಗೆ ತುಂಬ್ಯಾರೋ..
ಬುಗು ಬುಗು ಏಳುವ ದೂಳ್ ಕುಡ್ದು ಹೊಟ್ಟಿ ತುಂಬ್ಯಾದೋ ನಮ್ ಹೊಟ್ಟಿ ತುಂಬ್ಯಾದೋ..
ನಾವ್ ಸುಮ್ನೆ ಇದ್ರೆ ರೋಡಿಗಾಕೋ ಜಲ್ಲಿ ಆಗ್ತಿವೋ ನಾವ್ ಜಲ್ಲಿ ಆಗ್ತಿವೋ..
ಜಲ್ಲಿ ಮೇಲ್ ಅವ್ರ ಡಾಂಬರ್ಹಾಕಿ ಕಾರ್ ಓಡಿಸ್ತಾರೋ ಅಣ್ಣ.. ಕಾರ್ ಓಡಿಸ್ತಾರೋ..
ನಮ್ ಮಾತಿನ ಕಾಲ್ ಮುದರ್ು ರೆಕ್ಕೆ ಕಿತ್ತು ಮಜಾ ನೋಡ್ತಾರೋ..ಅದ್ರ ಮಜಾ ನೋಡ್ತಾರೋ..
ನಂಬೆನ್ನಿಗ್ ಮೊಳೆ ಹೊಡ್ದು ಕನ್ನಡಿ ಹಾಕಿ ತಲೆ ಬಾಚ್ಕೋತಾರೋ ಅವ್ರು ಡ್ರಸ್ ಮಾಡ್ಕೋತಾರೋ..
ಹಣೆಗೆ ರೇಟಿನ್ ಬಿಲ್ಲೆ ಹಚ್ಚಿ ಸೇಲ್ ಮಾಡ್ತರೋ.. ಅವ್ರು ನಮ್ಮನ್ ಮಾರೇ ಬಿಡ್ತಾರೋ..
 
ನಮ್ ಕಾಲದ ಕತಿನಾ ನಿಮ್ಗಳ ಮುಂದೆ ಸಾರಕತ್ತಿನೋ ದೈವ ಹೇಳಕತ್ತಿನೋ..
ಹಿಂಗೈತ್ ನೋಡ್ರಪ್ಪ ಇದು ಕಾಲದ್ ಮಹಿಮೆ ನಮ್.. ಕಾಲದ್ ಮಹಿಮೆ..