ಒಂದೊಂದು ಹುಚ್ಚು..

ಹರವು ಸ್ಫೂರ್ತಿಗೌಡ

ಹುಚ್ಚರ ಸಂತೇಲಿ ಪ್ರೀತಿ ಹಂಬಲವು ಹುಚ್ಚೇ
ಎಲ್ಲರಲ್ಲಿ ಒಂದಾಗುವ ನನ್ನದು ಹುಚ್ಚೇ
ಗಿಡ ಬಳಿ ಮರ ಹಕ್ಕಿ-ಪಿಕ್ಕಿಗಳಿಗೂ ಹುಚ್ಚು
ವಿಜಯನಗರ ಸಿರಿ-ಹೊಯ್ಸಳ ಕಲೆಗೂ ಹುಚ್ಚು

ನದಿಯಾಗಿ ಒಡಲಲ್ಲಿ ಹರಿದೆ ದಾಹದ ಹುಚ್ಚಿಗೆ
ಕಥೆಯಾಗಿ ದೀಪಗಳಿಂದರಳಿದೆ ಕನಸಿನ ಹುಚ್ಚಿಗೆ
ಹಾಡಾಗಿ ಮೆರವಣಿಗೆ ಬಂದೆ ಅಮಲಿನ ಹುಚ್ಚಿಗೆ
ಬೆನ್ನಾಗಿ ಬಾಯಿಗೆ ಸಿಕ್ಕೆ ಕಚ್ಚುವ ಹುಚ್ಚಿಗೆ
 
ಹಂಬಲಿಸಿದವರು ಯಾರು ಸಿಗದ ಹುಚ್ಚು
ಹಂಬಲಿಸಿದ ಯಾರಿಗೂ ದೊರೆಯದ ಹುಚ್ಚು
ಕುದುರೆ ಏರಿ ಬರುವವನಿಗೆ ಮೀಸಲಾದ ಪ್ರಣದ ಹುಚ್ಚು
ಕಣ್ಣಲ್ಲಿ ಪ್ರೀತಿ ತುಂಬಿ ಕಾಡೋನೊಬ್ಬ
ನನ್ನ ಮೆಚ್ಚಿದ ಹುಚ್ಚರಲ್ಲಿ ಅವನು ಒಬ್ಬ