ಡಾ ಪ್ರತೀಭಾ ಕಾಗೆ

ಸಾಗುತಿಹವು ಇರುವೆಗಳು
ಸಾಲು ಸಾಲಾಗಿ ಕೊನೆಗೊಮ್ಮೆ
ಗುರಿ ತಲುಪುವ ಛಾತಿಯಿಂದಲೇ?
ತನಗಿಂತ ಭಾರವಾದವು
ಹೊತ್ಯೊಯುತಿಹ ಬುತ್ತಿಯ
ಗಂಟು ಎಷ್ಟು ದಿನದ
ಖಜಾನೆ ಏನೋ
ಗುರಿಮುಟ್ಟಲು ಸಾಲುಸಾಲಾಗಿಯೇ
ಕ್ರಮಿಸುತಿಹವು ನಿಯತ್ತನ

ಸಾಲು ಅದು ಒಂದೇ , ಒಂದು

ಮೋಸದ ಭಾವ ಕಾಣದು
ನಾ ಮುಂದು,ತಾ ಮುಂದು
ಎಂದೆನ್ನದೇ ಎಲ್ಲರ ಗುರಿ ಒಂದೇ
ಜಗಳವೇತಕೆ ,ಒಬ್ಬರಾದನಂತರ
ಒಬ್ಬರು ,ಒಬ್ಬರು ಬೇಗ,ಮತ್ತೊಬ್ಬರದು
ಸ್ವಲ್ಪ ತಡವಾದರು ಸರಿ
ಕಚ್ಚಾಟಬೇಡ ಎಂಬ ಹಿರಿಯರ
ಮಾತಿನಂತೆ ಕ್ರಮವಾಗಿ
ಸಾಗುತಿಹವು ನಿಷ್ಠೆ ಎಂದರೆ
ಇದುವೆ ಏನೊ ಎಂಬಂತೆ