ಶಾಂತಿ ಕೆ ಅಪ್ಪಣ್ಣ
ಗಿಜಿಗುಡುವ ಸಂತೆಯೊಳಗೆ
ನೂರೆಂಟು ಮುಖಗಳು ..
ಬಗೆಬಗೆ ಮುಖವಾಡಗಳು ..
ಗಳಿಗೆಯಲಿ ಬದಲಾಗುವ ಬಣ್ಣಗಳು
ಗುರುತಿನ ಹಂಗಿಲ್ಲದೆ ಬೆರೆತ
ಎಷ್ಟೊಂದು ಮಂದಿ
ಬಿಕರಿಯ ತುದಿಯಲ್ಲಿ ಸಂಧಿಸುತ್ತವೆ
ನಿರೀಕ್ಷೆ ನಿರಾಸೆಗಳು ..
ತರಕಾರಿ ,ಮೀನು ,ಮಾಂಸ
ಬಲೂನು ,ಬೆಂಡು ,ಬತ್ತಾಸು..
ಜಗಮಗಿಸುವ ಫ್ಯಾನ್ಸಿ ಸ್ಟೋರು
ನಡುವೆ ಡಿಸ್ಕೌಂಟಿನ ಆಫರು ..
ಹಳೇ ಮಾಲಿನ ಹರಾಜಿನಂಗಡಿ
ಬಡವನ ಕಣ್ಣಲಿ ಕನಸಿನ ದಾಂಗುಡಿ
ಗಲ್ಲಿಯೊಳಗಿನ ಮುರುಕು ಬಾರು
ಹಗಲಿನಲ್ಲೇ ಅರಳಿಕೊಂಡ
ಸಂಜೆ ಮಲ್ಲಿಗೆಯ ಕಾರುಬಾರು
ಎಲ್ಲವೂ ಮಾರಾಟಕ್ಕಿದೆ .. ಇಲ್ಲಿ !
ಮಾರುತ್ತಿರುವವನಷ್ಟೇ ಅಲ್ಲ ..
ಕೊಳ್ಳಬಂದವನೂ ಮಾರಿಕೊಂಡವನೇ..
ಬದುಕಬಹುದಿಲ್ಲಿ …
ಮಾರಲು ಕಲಿತವನೂ
ಕೊಳ್ಳಲು ಅರಿತವನೂ.. !
ಸಮರ್ಥನ ಉಳಿವು ಜಗದ ನಿಯಮ .
ತೆರೆದ ಸಂತೆಯೊಳಗೆ ಏನುಂಟು ಏನಿಲ್ಲ
ಬೆವರು,ಬೇಸರ, ನಲಿವು, ನೋವು ..
ಆಸೆ ,ಮೋಸ , ನ್ಯಾಯ, ಅನ್ಯಾಯ……
ಸಂತೆಯೊಂದು ಪುಟ್ಟ ಜಗತ್ತು
ಜಗತ್ತೊಂದು ದೊಡ್ಡ ಸಂತೆ..
ಅಪ್ಪನ ಕೈ ಹಿಡಿದು ನಡೆವ
ಮಗುವಿನಲ್ಲಿ ಪ್ರಶ್ನೆಗಳ ಕಂತೆ ..
ಬಿಡುವಿಲ್ಲದ ಅಪ್ಪನಿಗೆ ಕೊನೆಯಿಲ್ಲದ ಚಿಂತೆ ..
ಮುಖವಾಡದ ಅಂಗಡಿಯ ಮುಂದೆ
ಕೈ ಜಗ್ಗುವ ಮಗು..
ಗದರುವ ಅಪ್ಪನಿಗದು ವೃಥಾ ಖರ್ಚು
ದಿನಕ್ಕೆಷ್ಟು ಬಾರಿ ಬದಲಿಸುತ್ತಾನೋ
ತೆಗೆದು ತಳ್ಳಿದ ಉಸಿರಿನಂತೆ ..
ಎಣಿಕೆಗೆ ದಕ್ಕದ ಲೆಕ್ಕ..
ಲೋಕವರಿಯದ ಮಗುವಿಗೆ
ಬಣ್ಣ ಬೆಡಗಿನ ಸೆಳೆತ ..
ಮುಖವಾಡ ಬೇಕೆಂದು ..
ಅಳುವ ಮಗುವಿಗೆ
ಮುಂದೊಮ್ಮೆ, ತಾನೂ
ಬಗೆಬಗೆ ಮುಖವಾಡ
ತೊಡುತ್ತೇನೆಂದು ಗೊತ್ತಿಲ್ಲ..
ಸುಮ್ಮನೆ ಮುಂದೆ ಸಾಗುವ ಅಪ್ಪನಿಗೆ
ತಾನು ಮಗುವಾಗಿದ್ದಾಗ
ತನ್ನಲ್ಲಿಯೂ ಮುಖವಾಡ
ಇರಲಿಲ್ಲವೆಂಬುದೇ ನೆನಪಿಲ್ಲ !
chenda ide-smitha
sooo nice…………. experience cant explain but ur poem explain…………
ಒಟ್ಟಾರೆ ಇಡಿ ಕವನ ಇಷ್ಟವಾಯಿತು. ಅದರಲ್ಲೂ ಈ ಸಾಲುಗಳು ತುಂಬಾ ಇಷ್ಟವಾದವು.
“ಸಂತೆಯೊಂದು ಪುಟ್ಟ ಜಗತ್ತು
ಜಗತ್ತೊಂದು ದೊಡ್ಡ ಸಂತೆ..
ಅಪ್ಪನ ಕೈ ಹಿಡಿದು ನಡೆವ
ಮಗುವಿನಲ್ಲಿ ಪ್ರಶ್ನೆಗಳ ಕಂತೆ ..
ಬಿಡುವಿಲ್ಲದ ಅಪ್ಪನಿಗೆ ಕೊನೆಯಿಲ್ಲದ ಚಿಂತೆ ..”
“ತಾನು ಮಗುವಾಗಿದ್ದಾಗ ತನ್ನಲ್ಲಿಯೂ ಮುಖವಾಡ ಇರಲಿಲ್ಲವೆಂಬುದೇ ನೆನಪಿಲ್ಲ”–wow great lines. Nice one
-Anil
Wow very nice mam..
hiiii…
arthagarbitha kavite eshtavaythu
Koneya 2du pyara adbhuta…. Shubhashayagalu..
so nice..hrdaya tattuva kavite..thanks
ellarigoo nanna dhanyavaadagalu .nimma protsaahavirali
Hosa anubhava jagattannu terediduva vishishta bhashey vinutana kavite.keep it up shantiyavare.