ಆಚೆ ದಡದಲ್ಲಿದ್ದಳು.ಮೀನಿನ ಕೈಯಲ್ಲಿ
ಪ್ರೇಮಪತ್ರ ಕೊಟ್ಟು ಕಳಿಸಿದ್ದೆ,ಕುತೂಹಲ
ತಡೆಯದೇ ನದಿ ಬಿಚ್ಚಿ ಓದಿತು.
ನನ್ನಾಕೆಯನ್ನೇ ಮೆಚ್ಚಿ ಅವಳತ್ತಲೇ ಓಡಿತು.

ಕವಿಯೂ ಸೋಗಲಾಡಿಯಾಗಬಲ್ಲ.
ವಿಶೇಷವಾಗಿ ತನ್ನ ಕವಿತೆಗಳನ್ನೇ
ಬಂಡವಾಳವಾಗಿಸಿಕೊಂಡು ಮೆರೆವ ಸಂದರ್ಭಗಳಲ್ಲಿ.

ನೀನು ನಿರಾಕರಿಸಿದ ಮರುಕ್ಷಣ ಚಂದಿರನೆದೆಯ
ಮೇಲೆ ಪೇರಿಸಿದ್ದ ಅಷ್ಟೂ ಹರಕೆಗಳನ್ನ ಕೆಳಗಿಳಿಸಿಕೊಂಡುಬಿಟ್ಟೆ.
ಜೊತೆಗೆ ಸಾಲವಾಗಿ ಒಂದಿಷ್ಡು ಶರಾಬನ್ನು.!!

ಮುಖವಾಡಗಳ ಹಂಗಿಲ್ಲದೇ
ನಿರಾಳವಾಗಿರಬಲ್ಲ ಎರಡೇ ಎರಡು ತಾಣಗಳೆಂದರೆ
ತಾಯಗರ್ಭ ಹಾಗೂ ಭೂಗರ್ಭ.

ಅವಳ ತೋಳುಗಳಲ್ಲಿ ಕರಗುತ್ತೇನೆ.
ಮರುಕ್ಷಣವೇ ತುಟಿಗಳಲ್ಲಿ ಜಿನುಗುತ್ತೇನೆ.
ನನ್ನ ಪಾಲಿನ ಜನನವೂ ಅವಳೇ
ನನ್ನ ಪಾಲಿನ ಮರಣವೂ ಅವಳೇ.

ಪ್ರೀತಿ ಘಟಿಸಿತು,ಆತ ದಿಂಬನ್ನು ಎದೆ
ಮೇಲಿಟ್ಟುಕೊಂಡೇ ಮಲಗುತ್ತಾನೆ.
ಪ್ರೀತಿ ಎಂದರೇನೇ ಹೀಗೆ ಇಲ್ಲದ ಭಾರಗಳನ್ನ
ಮೈಮೇಲೆಲ್ಲ ಹೊತ್ತುಕೊಂಡು ಬದುಕೋದು..