ನನ್ನ ನೆರಳು

ದತ್ತು ಕುಲಕರ್ಣಿ

 
ನನ್ನ ನೆರಳು ನನ್ನ ಉತ್ಪಾದನೆ..
ಅದರಿಂದೇನು ಲಾಭವಿಲ್ಲ
ನಾನು ಅದನ್ನು ಬಿಟ್ಟರೂ
ಅದು ನನ್ನನ್ನು ಬಿಡುವದಲ್ಲ
ನಾಯಿ ಜನ್ಮ!

ಒಮ್ಮೆ ಮುಂದೆ ಮತ್ತೊಮ್ಮೆ ಹಿಂದೆ
ಮುಗದೊಮ್ಮೆ ಪಕ್ಕ
ಮುಂಜಾನೆ ಉದ್ದ, ಮದ್ಯಾನ್ಹ ಗಿಡ್ಡ
ಸಂಜೆ ಮತ್ತೆ ಉದ್ದ
ಚಂದ್ರನ ಜೊತೆ ಸ್ವಲ್ಪ ಮಬ್ಬು
ವಿದ್ಯುತ್ ದೀಪದಲ್ಲಂತೂ ಇನ್ನೂ ಮಬ್ಬು
ಆದರೂ ವಿಚಿತ್ರ
ಪ್ರಖರ ಬೆಳಕಿನಲ್ಲಿ
ನಿಖರ ಸ್ಪಷ್ಟ
ಎಲ್ಲ ಕಡೆ ಬೆಳಕಿದ್ದರಂತೂ
ನನ್ನಲ್ಲೆ ಅಸ್ತಂಗತ
 
ಇಂತಿಪ್ಪ ನನ್ನ ನೆರಳು ನನ್ನ ಬಿಟ್ಟು
ಹೋಯಿತೆಂದರೆ
ಎಲ್ಲಿಲ್ಲಿಯೂ ಕತ್ತಲೆಯೆ..!!!!
 
ಹೌದು ನೆರಳು
ಬೆಳಕಿನ ಅಸ್ತಿತ್ವದ ಗುರುತು,
ಇದನ್ನು ನಾನು ಮರೆತರೂ
ನನ್ನ ನೆರೆಳು ಮಾತ್ರ ಇದರಿಂದ ಹೊರತು !!!