ದೂರಿರಿ ನೀವೇ..

ದಿವ್ಯ ಆಂಜನಪ್ಪ

ನಾನೇ ದೂರಬೇಕಾದ್ದ
ಅಷ್ಟೂ ಅಂಶಗಳನ್ನು
ನಿಮ್ಮಲ್ಲಿ ಕಾಣುತ್ತೇನೆ
ನಾನೀಗ ನಿಮ್ಮಂತೆ ಆಗಬಯಸುತ್ತೇನೆ

ಪ್ರಾಮಾಣಿಕ ಪ್ರೇಮಿಯಾಗಿ
ವಿಹರಿಸಿಯೂ ಕರಗದಂತೆ ಉಳಿದು
ಬನಗಳಲಿ ಸುತ್ತಿ ಬರುತ್ತೇನೆ
ಹೂಗಳ ಕಂಡೆಣಿಸಿ…
ಆಘ್ರಾಣಿಸಿ ತಾಗದಂತೆ ನಿಂತು..

ಬಂಧಿತ ಕೈದಿಯಾಗಿ
ನಿಂತು ಕೈ ಚಾಚುವೆಯಷ್ಟೇ
ದೂರದ ನೋಟಕೆ ಮೈಮಾಟಕೆ
ಅಪರಾಧವೆಸಗದೆ ಹೀಗೆ ನಿಷ್ಠೆಯಿಂದ

ಮುಖ್ಯವಾಗಿ ಮುಖ್ಯವಾಗಿಸಿ
ನಿಮ್ಮನ್ನೇ ನಿಮ್ಮಂತೆಯೇ ನಾನು
ಒಪ್ಪುತೇನಷ್ಟೇ ಅಪ್ಪಿಕೊಳ್ಳದೆ
ಯಾವುದೇ ವೃತ್ತದ ಕೆಂದ್ರವಾಗದೆ…

ನಾನೇ ದೂರಬೇಕಾದ್ದ
ಅಷ್ಟೂ ಅಂಶಗಳನ್ನು
ನಿಮ್ಮಲ್ಲಿ ಕಾಣುತ್ತೇನೆ
ನೀವೇ ದೂರಿರಿ ಸಾಧ್ಯವಾದರೆ
ನಾನೀಗ ನಿಮ್ಮಂತೆ ಆಗಬಯಸುತ್ತೇನೆ