ಮಳೆಗಾಲದ ಒಂದು ಸಂಜೆ
ತೇಜಸ್ ಕುಮಾರ ಹೆಗಡೆ
ಮರುಕಳಿಸಿತೊಂದು ದಿನ,
ಹಳೆಗಾಲದಂತೆ…
ಅದೇ ಸುರಿವ ಮಳೆ, ಮುರಿದ ಕೊಡೆ,
ಜನವಿರಳ ದಾರಿ…
ಊರು ಬೇರೆ , ಹಾದಿ ಬೇರೆ ,
ಮೊರೆವ ನೆನಪುಗಳ ಸವಾರಿ …
ನನ್ನೆಲ್ಲ ಸ್ಮರಣೆಗೂ
ನಿನ್ನ ಕನವರಿಕೆ ..
ಮನಸಿಂದು ಬಿಕ್ಕುತಿದೆ,
ಹಳೆಯ ಹಳಹಳಿಕೆ …
ಆ ಸಂಜೆ ಮಬ್ಬು, ತಂಗಾಳಿ ,
ನಿನ್ನ ಕಣ್ಣಂಚಲಿ ಮೋಡ, ಮುಖದಿ ಬಿರುಗಾಳಿ …
ಕಂಡ ಹುಚ್ಚು ಸ್ವಪ್ನ ಕರಗಿ ನೀರಾದಂತೆ ,
ಸುರಿಯಿತು ವರ್ಷಧಾರೆ ಇಳೆ ತೊಳೆಯುವಂತೆ …
ನನ್ನ ಕಣ್ಣುಗಳ ಚಿತ್ರ ಮಸುಕಾಗಿ ,
ಉರುಳಿದವು ಹನಿಗಳು,
ಮಳೆಯಲ್ಲ, ಕಂಬನಿ …
ನೋವಿನ ಬಿಸಿಗೆ ಕರಗಿದ
ಹೊಂಗನಸ ಲೆಕ್ಕಿಸದೆ
ತೊರೆದೇ ಹೋದೆಯಲ್ಲ ನೀ …
ಮರೆತು ಮಾದು ಹೋದ ಗಾಯ
ಹಸಿಯಾದಂತೆ,
ಗತಸ್ಮೃತಿಯ ಮೆರವಣಿಗೆ
ಮನಮುದುಡುವಂತೆ …
ಮತ್ತೆ ನೆನಪಾದಳು …
NICE..
keep moving…liked brother
keep moving…liked brother
Chennaagidhe 🙂