ನಾ ದಿವಾಕರ
ಅವರು ಷರಾ ಬರೆಯುತ್ತಿದ್ದರು
ಇವಳ ಕಂಬನಿ ಬತ್ತಿತ್ತು
ಅವನ ಕೊರಳಲಿ ಮಾಲೆಯಿತ್ತು ;
ಅವರು ವಾದ ಮಾಡುತ್ತಿದ್ದರು
ಇವಳ ಪಾದ ಬೆವತಿತ್ತು
ಅವನ ಕೈ ಜೇಬಿನೊಳಗಿತ್ತು ;
ಅವರು ದಡವ ದಿಟ್ಟಿಸುತಿದ್ದರು
ಇವಳ ನೆಲ ಕುಸಿದಿತ್ತು
ಅವನ ಬೂಟು ಮಿನುಗುತ್ತಿತ್ತು ;
ಅವರು ಚರ್ಚೆ ನಡೆಸುತ್ತಿದ್ದರು
ಇವಳ ಎದೆ ನಡುಗಿತ್ತು
ಅವನ ಮೊಗವು ಅರಳಿತ್ತು ;
ಅವರು ತಲೆ ಆಡಿಸುತಿದ್ದರು
ಇವಳ ಶಿರ ಬಾಗಿತ್ತು
ಅವನ ಕಣ್ಣು ಕೆಂಪಾಗಿತ್ತು ;
ಅವರು ಎದ್ದು ಹೊರಟರು
ಇವಳ ಉಸಿರಡಗಿತ್ತು
ಅವನ ಮೇಳ ಮುನ್ನಡೆದಿತ್ತು !
ತುಂಬಾ ಚೆನ್ನಾಗಿದೆ ಸರ್ ನಿಮ್ಮ ಶೈಲಿ ಇಷ್ಟ ನನಗೆ
ಧನ್ಯವಾದಗಳು ಮೇಡಂ. ನಿಮ್ಮ ಮೆಚ್ಚುಗೆ ಪ್ರಶಸ್ತಿಗೆ ಸಮಾನ.