ಬದುಕು ಮತ್ತು ಭೂಮಿ
ರಾಜಹಂಸ
ಭೂಮಿಯ ಪ್ರತಿರೂಪವೇ ಬದುಕು
ತಂತಿಯ ಮೇಲಿನ ನಡಿಗೆ
ಕೊಂಚವೇ ಕೊಂಚ ಕದಲಿದರೂ
ಕ್ಷಣವೊಂದರ ಶೂನ್ಯದಲಿ
ಎಲ್ಲವೂ ಸ್ತಬ್ಧ ಸ್ಮಶಾನ ಮೌನ
ಕಾರ್ಗತ್ತಲು ಹೊಂಬೆಳಕಿನೊಳಗೆ
ಆ ಭೂಮಿ ಸುತ್ತುವ ಹಾಗೆ
ಕಷ್ಟ ಕಾರ್ಪಣ್ಯ ಸುಖದ ಸುಪ್ಪತ್ತಿಗೆ
ನಡುವೆ ಸುತ್ತುವ ನನ್ನ ಬದುಕಿಗೆ
ನೋವು-ನಲಿವು ಬಿಟ್ಟು ಆಚೆ
ತೆರಳುವ ಅಧಮ್ಯ ಹಂಬಲ
ಭೂಮಿ ತಿರುಗುವ ಶಬ್ದ
ಆಲಿಸಿಯೇ ಕಂಗಳಲಿ ಕನಸುಗಳು
ಜನ್ಮ ತಾಳುತ್ತಿವೆಯಂತೆ
ಅದಕ್ಕೆ ಬದುಕು ಉಸಿರಾಡಲೆಂದೇ
ಭೂಮಿಯೂ ಹಸಿರಾಗಿರುವುದು
ನಂಬಿಕೆಯ ಅಲೆಯಲಿ ತೇಲುವ
ಭೂಮಿಗೂ ಬದುಕಿಗೂ
ಏನೇನೂ ವ್ಯತ್ಯಾಸವಿಲ್ಲ
ಚಕ್ರದಂತೆ ಉರುಳುವ ಭೂಮಿಗೆ
ಭೂಭಾಗ ತುಂಬ ಕಡಿಮೆ
ಸಮುದ್ರ ಭಾಗವೇ ಜಾಸ್ತಿ
ನನ್ನ ಬದುಕಿಗೂ ಅಷ್ಟೇ..!
ಭೂ ಭಾಗದಷ್ಟೇ ಸುಖ
ಕಡಲು ಭಾಗದಷ್ಟು ದುಃಖ
bhoomi tiruguva shabdada aalisiye kangalalli kanasugallu, olle sallugalannu thank you
ಕವಿತೆ ಚೆನ್ನಾಗಿದೆ
ಸಂಗೀತ ರವಿರಾಜ್
super poem
ಧನ್ಯವಾದಗಳು