ಡಾ. ಗೋವಿಂದ ಹೆಗಡೆ
ಚಹಾ ಎಂದರೆ ಬರೀ ಚ ಮತ್ತು ಹಾ ಏನು ?
ಹಾಲು ನೀರು ಟೀ ಪುಡಿ ಸಕ್ಕರೆ
ಎಲ್ಲ ಹದವಾಗಿ ಬೆರೆತು
ಸೃಜಿಸಿದ ರಸಪಾಕ !
ಇಷ್ಟೇ ಸಾಕೇ ?
ಕುದಿ ಬೇಕು ಕುದಿಯಬೇಕು
ಕುದಿಯಿರದೇ ಎಲ್ಲಿ ರಸ ಸಿದ್ಧಿ ?
ಎಲ್ಲ ಆಗಿಯೂ ಚಹ
ರುಚಿ ಆದೀತೆಂಬ ಭರವಸೆಯಿಲ್ಲ
ಇಲ್ಲ ಸಪ್ಪೆ ಇಲ್ಲವೇ ಕಹಿ ಕಷಾಯ
ಅಥವಾ ಸಕ್ಕರೆ ಹೆಚ್ಚಾಗಿ- ಪಾಯಸ !
ಚಹ ಮಸ್ತ್ ಆಗಲು ಪರಿಕರಗಳಷ್ಟೇ
ಸಾಕೇ- ಬೇಡವೇ ಯೋಗಾಯೋಗ
ಹಾಗೆ ಹದಗೊಂಡ ರುಚಿರ ಪಾನೀಯ
ಚಹಾ-ಚಂದ್ರ
ಗಂಟಲನಾಳದಲಿಳಿದು
ಉದರ ಗಗಗನವ ಸೇರಿ
ಬೆಳಗತೊಡಗಿ
ಎಂಥ ದಿವ್ಯತೆಯ ಉದಯ
ನರ-ನಾಡಿಗಳಲ್ಲಿ !
ಹೌದು-
ಇದು ಬರೀ ಚಹವಲ್ಲೋ ಅಣ್ಣ !
ವಾವ್! ಚಾಯ್…….
ಸೂಪರ್
ರುಚಿ ರುಚಿ ಚಹಾ