ನನ್ನ ಕವಿತೆ
– ಗುರುನಾಥ ಬೋರಗಿ
ಕ್ಷಮಿಸಿ,ನನ್ನ ಕವಿತೆ
ನಿಮ್ಮ ಕವಿತೆಯಂತಲ್ಲ
ಉಳ್ಳವರ ತುಳಿತಕ್ಕೆ
ಮೈ-ಮನಸು ಹ(ಹು)ಣ್ಣಾಗಿ
ನೆಲಕಿಳಿದ ಕಣ್ಣೀರು ನನ್ನ ಕವಿತೆ
ಹೊರೆ-ಬದುಕು ಭಾರಕ್ಕೆ
ಬರಿ ಹೊಟ್ಟೆ ಬೆನ್ನಾಗಿ
ಬಸವಳಿದ ಬಿಸಿಯುಸಿರು ನನ್ನ ಕವಿತೆ
ಹಿಡಿ ಅನ್ನ ಸಂಬಳಕೆ
ದುಡಿ-ದುಡಿದು ಕರಕಾದ
ಕಾರ್ಖಾನೆಯ ಕಪ್ಪುಹೊಗೆ ನನ್ನ ಕವಿತೆ
ಧನಿಕರ ಮೈತೃಷೆಗೆ
ಹಸಿಮಾಂಸ ಹೊ(ನ)ರಳಾಡಿ
ತಿಪ್ಪೆ ಸೇರಿದ ಭ್ರೂಣ ನನ್ನ ಕವಿತೆ
ಸಮಬಾಳು ಸಮಪಾಲು
ಹಕ್ಕುಗಳಿಗೆ ದನಿಯೆತ್ತಿ
ಕೋವಿ ನುಂಗಿದ ರಕ್ತ ನನ್ನ ಕವಿತೆ
ಮನಸ ಭಾರವಾಗಿಸಿತು ನಿಮ್ಮ ಕವಿತೆ…
ಧನಿಕರ ಮೈತೃಷೆಗೆ
ಹಸಿಮಾಂಸ ಹೊ(ನ)ರಳಾಡಿ
ತಿಪ್ಪೆ ಸೇರಿದ ಭ್ರೂಣ ನನ್ನ ಕವಿತೆ
ಸಮಬಾಳು ಸಮಪಾಲು
ಹಕ್ಕುಗಳಿಗೆ ದನಿಯೆತ್ತಿ
ಕೋವಿ ನುಂಗಿದ ರಕ್ತ ನನ್ನ ಕವಿತೆ……….
excellent….