ಎಚ್ ಕೆ ಶರತ್
ಬಿಕನಾಸಿ ಬಣ್ಣಗಳೆಲ್ಲ
ಬಿದ್ದುಕೊಂಡಿವೆ ಕಾರ್ಗತ್ತಲಲಿ…
ಕಪ್ಪು ಮಾತ್ರ
ಕುಣಿಯುತ್ತಿದೆ
ಗೆದ್ದ ಸಂಭ್ರಮದಲಿ!
—
ದುಗುಡದ ದಡದ ಮೇಲೆ
ಸಾಗಿ ಬಂದವನು
ನಡು ಬೀದಿಯ
ನಿರ್ಭಾವುಕತೆ ಕಂಡು
ನಗುತ್ತಿದ್ದಾನೆ
—
ನೋವು ಮುರಿದುಕೊಂಡು ಬಿದ್ದ ರಾತ್ರಿ
ಭಾವುಕತೆಯ ಊರಲ್ಲಿ ಮಲಗಿದ್ದವನು
ನಾನೊಬ್ಬನೆ
ಬೆಳಕರಿದ ಮೇಲೆ ಎದುರಿದ್ದದ್ದು
ಅದೇ ವಾಸ್ತವ
—
ಗೊಂದಲದ ಗೆರೆಗಳ
ಮಡಿಲಲ್ಲಿ ಮಲಗಿದ
ಬದುಕಿನ ರೇಖೆ
ಆಕಾರ ಕಳೆದುಕೊಂಡು
ವಿಕಾರವಾಗುತ್ತಿದೆ
—
ನೆಪದ ಪರದೆ ಹಿಂದೆ
ಹೇಳಲಾಗದ ಮಾತು
ಮನದ ಚಾದರದ ತುಂಬ
ತುಂಬಿಕೊಂಡಿವೆ ತೂತು
excellent,,,, each one of them
very nice!
chennaagide..!
tuuuuuumba chennagide ….