– ಶ್ರೀನಿವಾಸ ಎಂ
1
ಬಿರು ಮಳೆಯ ರಭಸ ಜೋರಾದಾಗಲೆಲ್ಲ
ಜಗಲಿಯಲ್ಲಿ ಕೂತು, ಮಾಡಿನ ನೀರಿಗೆ
ಪಾದ ತಾಕಿಸುವ ಪುಳಕ.
2
ಸಿಡಿಲು-ಮಿಂಚಿನ ಭಯವಿಲ್ಲ,
ಕಣ್ಣು ತೆರೆದಿದ್ದರೂ ಬೀಳುವ ನೂರು ಕನಸುಗಳ
ನನಸಾಗಿಸುವ ಹಠದ ಭಾರವಿಲ್ಲ
3
ಚಂದ್ರ ಕೈ ಕೊಟ್ಟ ಇರುಳು,
ಭುವಿ ನಡುಗಿಸುವ ಚಂಡಿ ಮಳೆಯ ನಡುವೆ
ನಿನ್ನ ದಾರಿಯ ನೆನೆವ ಸುಖದ ಸಂಕಟ
4
ಆಗಾಗ್ಗೆ ಮುಖ ತೋರಿಸಿ ಮರೆಯಾಗುವ ಸೂರ್ಯ,
ನಿನ್ನ ನೆನಪುಗಳಿಗಿಂತ ವಾಸಿ,
ನೆನೆದ ಮನಗೊಂದಿಷ್ಟು ಬೆಚ್ಚಗೆಯ ಸ್ಪರ್ಶ
4
ಕಾಲ ಚಕ್ರವ ಹಿಂದೆ ತಿರುಗಿಸುವ ಭ್ರಮೆ
ಕಾಗದದ ದೋಣಿಯ ಹಿಡಿದು
ನಿನಗಾಗಿ ಹುಡುಕಾಟ
5
ವಾಸ್ತವದ ಅರಿವಾದಾಗಲೆಲ್ಲ
ನೆನಪಾಗುತ್ತದೆ, ಈ ಮುಂಗಾರಿನ ಭವಿಷ್ಯ
ಶ್ರಾವಣದಲ್ಲೂ ದುರ್ಬಲ ಮಳೆ ಸಾಧ್ಯತೆ
chendada male hanigalu.
super shrini sir
chennaagide..
KAVITE Channagide sir
Thanks for all the readers and appreciations
Shrinivasa M,