ನಿರ್ಗತಿಕರು
ಸಂಗೀತ ರವಿರಾಜ್
ಅದೇ ಪಾಳು ಕಟ್ಟಡಗಳ
ಬೆನ್ನಿಗಂಟಿ ಮಲಗಿ
ನಮ್ಮ ಕೈಕಾಲು ಮನಸುಗಳು
ಹರಕು ಗೋಡೆಗಳಾಗಿವೆ…..
ಕಲ್ಲುಗಳನ್ನೆ ಮೆತ್ತನೆ
ದಿಂಬುಗಳೆಂದು ಭಾವಿಸಿ
ಕನಸು ಕಾಣುವ ನಮಗೆ
ಕಥೆ ಹೇಳಿ ಮಲಗಿಸುವ
ನಕ್ಷತ್ರಗಳು
ಮಗ್ಗಲು ಬದಲಾಯಿಸಲು ಒಪ್ಪುತ್ತಿಲ್ಲ!
ಬೆಳಗ್ಗೆ ಮತ್ತದೇ ಮೂರು ಕಲ್ಲೇರಿಸಿ
ರಾತ್ರಿ ಸಾಥ್ ನೀಡಿದ
ತರಗೆಲೆಗಳ ಬೆಂಕಿಗೆ
ನಜ್ಜುಗುಜ್ಜಾದ ಅಲ್ಯುಮಿನಿಯಂ
ಪಾತ್ರೆಯಿಟ್ಟು
ಅಕ್ಕಿ ಅನ್ನವಾಗುವ
ಅಮೃತ ಘಳಿಗೆಗೆ
ಕಾಯುತ್ತಿದೆ ಈ ಜೀವನ…..
ಅಲ್ಲೇ ದಾರಿಗುಂಟ
ರಸ್ತೆ ಕೆಲಸ ಮುಗಿಸಿ
ಬಂದ ಯಜಮಾನ
ಹುಣ್ಣಿಮೆ ರಾತ್ರಿಯ ಮಹೋತ್ಸವಕ್ಕೆ
ಆಸ್ಥೆ ತೋರಿದರೆ
ನಾಚಿಕೆ ಬಿಟ್ಟು ಊಳಿಡುತ್ತಾ
ಸನಿಹಕ್ಕೆ ಬರುವ
ಬೀದಿನಾಯಿಗಳು
ನಮಗೆ ಸರಹದ್ದುಗಳೇ ಇಲ್ಲ!
ಲೋಕ ಮಾತು ಮರೆತಂತೆ
ತಲೆ ಮೇಲೆ ಕೈ ಹೊತ್ತ
ಮೌನಪ್ರಿಯರು
ಮತ್ತೆ ಮತ್ತೆ ಕಾಣಸಿಗುತ್ತಾರೆ
ನಾವೋ ಅವರ ಪಕ್ಕದಲ್ಲಿ
ಅತ್ಯಂತ ಬಿರುಸಾಗಿ ನಡೆಯುತ್ತೇವೆ!
kavana chennaagide sangeetha.
tumba tumbaane chennagide..keep it up..!!!!
Very touching
fine
Kavitheya mruduthva istavaayithu..
chennagide sangeetha-smitha
ನಿರ್ಗತಿಕರು ಅವರಲ್ಲ, ಅವರನ್ನು ನಿರ್ಗತಿಕರೆಂದು ಭಾವಿಸಿರುವ ನಾವು, ಅನ್ನೋದನ್ನ ತುಂಬಾ ಚೆನ್ನಾಗಿ ಕಟ್ಟಿಕೊಟ್ಟಿದ್ದೀರ ಸಂಗೀತ ರವರೇ 🙂 Hatsoff
Aatmeeya Nirupane… Olle padya
very nice
nima kavite tumba channagide mam
Nimma maamulina kavitegaliginta bhinnavaagide sangeeta. Manasu muttitu.
ವಾಸ್ತವ ಬದುಕಿನ ಚಿತ್ರಣವನ್ನ ಅದ್ಬುತವಾಗಿ ಕಟ್ಟಿಕೊಟ್ಟಿದ್ದೀರಾ
kavana chennaagide
padhya kattuvike chendhidhe sangeetha