ಹೃದಯದಲಿ ಅರಳಿದ ಗುಲಾಬಿ

ಬಿದಲೋಟಿ ರಂಗನಾಥ್

ಬೆಚ್ಚಗೆ ಕೌದಿ ಹೊದ್ದು
ಮಲಗಿದ್ದ ಹೃದಯವ ಎಬ್ಬಿಸಿ
ಒಂದು ಮಾತು ಹೇಳದೆ
ಹೊರಟೋದೆ.

ಹೊರಗೆ ಗಾಳಿ ಮಳೆ
ರೌರವ ಬಿಸಿಲು ಕಾಲ ಸನ್ಹಿತ.
ನಿದ್ದೆಯನು ಹೊತ್ತೊಯ್ದ ನೀನು
ಬರುವುದಾದರು ಯಾವಾಗ?

ಕಾಲನ ನಡಿಗೆ ಜೋರಾಗೇ ಇದೆ
ಮಂಕು ಮೂತಿಯ ಭಾವನೆಗಳಿಗೆ
ಅಂಕವಂತು ಶೂನ್ಯ.
ಬೆತ್ತಲಾದ ಹೃದಯಕೆ
ಬತ್ತುವ ಸಂಭದಗಳ ರುಜುಗಳೇ ಜಾಸ್ತಿ.

ಹೃದಯದ ಅಂದವಿಲ್ಲದೆ
ಬೆಳೆದ ಉಗುರು ,ಯಾರನ್ನು ಚುಚ್ಚಿ
ಗಾಯಗೊಳಿಸುವುದೊ,
ಎದುರಿಸುವ,ಕಾಯುವ ಖಡ್ಗ ನನ್ನಲ್ಲಿಲ್ಲ.

ನಿದ್ದೆಯನ್ನೆ ಕಿತ್ತ ನೀನ್ನದು
ಎಲ್ಲಿದ್ದರು ಅಂಕು ಡೊಂಕು ನಡೆ
ಹೃದಯದಲಿ ಅರಳಿದ ಗುಲಾಬಿಗೆ
ನೀನು ಕಾರಣಳಾಗಿ,
ಯಾಕೆ ಕಣ್ಣೀರಾಕಿಸುವೆ,?
ಪ್ರೀತಿಯ ಪನ್ನೀರಾಕದೆ.

ನಾನಿರುವ ಸೂರು ತೂತು ಬಿದ್ದಿದೆ
ಬೆಚ್ಚಗೆ ಮಲಗಿದ್ದ ನಾನು
ಮತ್ತೆ ಮಲಗಲು ನೀನೆ ಹೊತ್ತೊಯ್ದ ಪ್ರೀತಿಯ
ಕೌದಿ,ಚಾದರ,ಜೊತೆಗೆ ನೀನು, ಇದ್ದರೆ ಮಾತ್ರ
ಬೆಚ್ಚನೆಯ ನಿದ್ದೆ
ಮೆಲಕಾಕುವ ಕನಸು.
ಹೃದಯಕೆ ನಿರಾಳ ಉಸಿರು.