ಚಿತ್ರಾ ಸಂತೋಷ್
ಬಾಗಿಲಲ್ಲಿ ಚುಕ್ಕೆ-ಚುಕ್ಕೆ
ಇಟ್ಟು ರಂಗೋಲಿ ಬಿಡಿಸಿ
ಏಳು ಬಣ್ಣಗಳನ್ನು ಹಚ್ಚಿದ್ದೇನೆ….
ಸರಿದು ಹೋಗಲಿ
ಬೇಗ
ತಿಂಗಳುಗಳು…
ಈಗ ಕಾಯುವ
ಸುಖವೂ ನೀರಸ!
ಹೇಗಿರಬಹುದು ನೀನು?!
ನನ್ನವನಂತೆಯೇ
ನನ್ನಂತೆಯೇ?
ಕೃಷ್ಣವರ್ಣವೇ?
ಹಾಲು ಬಿಳುಪೇ?
ಎಷ್ಟೊಂದು ಪ್ರಶ್ನೆಗಳು ನನ್ನಲ್ಲಿ?
ಕೂತಾಗ ಎದ್ದಾಗ
ಸಿಹಿ ನಿದ್ದೆಯಲ್ಲಿದ್ದಾಗ
ನಿನ್ನದೇ ಕನಸುಗಳು
ಪುಟ್ಟ ಪಾದ, ಪುಟ್ಟ ಕೈ
ರಚ್ಚೆ ಅಳು
ಎದೆಗಪ್ಪಿ ಮುದ್ದಿಸುವ ಆಟ!
ಸರಿಯಲಿ ತಿಂಗಳುಗಳು
ಕ್ಷಣಗಳಂತೆ
ರಾಶಿ ಹಾಕಿದ
ಚೆಂದದ ಕನಸುಗಳು
ಒಮ್ಮೆಲೇ ನನಸಾಗಲಿ
ನಿನ್ನ ನಗು ಬೇಕಿದೆ….
ರಿಯಲಿ ತಿಂಗಳುಗಳು
ಕ್ಷಣಗಳಂತೆ
ರಾಶಿ ಹಾಕಿದ
ಚೆಂದದ ಕನಸುಗಳು
ಒಮ್ಮೆಲೇ ನನಸಾಗಲಿ
ನಿನ್ನ ನಗು ಬೇಕಿದೆ….excellent abd heart touchin…