ಸಂದೀಪ್ ಕಾಮತ್ ಬಸ್ ನಲ್ಲಿ ನುಗ್ಗಿ ಸೀಟು ಹಿಡಿಯಲು ಹೇಳಿಕೊಟ್ಟ ಕಿರಿಕ್ ಸೂತ್ರಗಳಿಗೆ ಕಂಡಕ್ಟರ್ ಕಟ್ಟೀಮನಿ ಉತ್ತರಿಸಿದ್ದಾರೆ

ನಾನು ಕಟ್ಟಿಮನಿ ಅಂತ 45E ಕಂಡಕ್ಟರ್ ಚನ್ನಮ್ಮನಕೆರೆ ಅಚ್ಚುಕಟ್ಟುನಿಂದ ಮೆಜೆಸ್ಟಿಕ್ ಮಧ್ಯಾಹ್ನ ನಂತರ ಎರಡನೇ ಪಾಳಿಯಲ್ಲಿ ಸಿಗ್ತೀನಿ. ಸಂದೀಪ್ ಬಸ್ನಲ್ಲಿ ಸೀಟ್ ಹಿಡಿಯೋದ್ರ ಬಗ್ಗೆ ಒಳ್ಳೆ ರಿಸರ್ಚ್ ಮಾಡಿದಿರಾ…ಈ ಮೂಲಕ ಕೆಲವರಿಗಾದರೂ ಸೀಟ್ ಸಿಕ್ಕರೆ ನಿಮಗೆ ಪುಣ್ಯ ಸೇರುತ್ತೆ…ನಮ್ಮ ಬಸ್ಸಲ್ಲಿ ಹಾಗೇನಿಲ್ಲ. ೫ ಸಂಜೆ ರಿಂದ 7 ವರೆಗೆ ಬಿಟ್ಟರೆ ಉಳಿದಂತೆ ಸೀಟ್ ಸಿಗುತ್ತೆ.. ‘ಅವಧಿ’ ರೀಡರ್ಸ್ ನೀವೆಂದು ಹೇಳಿದರೆ ನಾನು ಎಲ್ಲಿ ಖಾಲಿಯಾಗುತ್ತೆ ಅಂತ ಹೇಳ್ತಿನಿ.. ಸಂದೀಪ್ ಬಂದ್ರೆ ಗ್ಯಾರಂಟಿ ಸೀಟ್….

ನಂದೂ ಒಂದ್ ಮಾತೆಂದ್ರೆ. ಬಾಗಲಲ್ಲಿ ನಿಲ್ಬೇಡಿ ಪಿಕ್ ಪಾಕೆಟ್ ಆಗ್ತೀರಾ.. ಸ್ಟಾಪ್ ಬರುವಷ್ಟಲ್ಲಿ ಇಳಿಯಕ್ಕೆ ಬನ್ನಿ.. ಮಾರ್ಕೆಟ್ ನಲ್ಲಿ ರಾತ್ರಿ ಕಿಟಕಿ ಹೊರಹಾಕಿ ಮೊಬೈಲಲ್ಲಿ ಮಾತಾಡ್ಬೇಡಿ. ನಿಮ್ಮ ಸೆಲ್ ಸಂಡೆ ಬಜಾರಲ್ಲಿ ಹುಡುಕಬೇಕಾಗುತ್ತೆ…

ಲೇಡಿಸ್ ಸೀಟ್ ಖಾಲಿಯಂತ ಕೂತ್ಕೊಬೇಡಿ ಮುಂದಿನ ಸ್ಟಾಪಲ್ಲಿ ಮಹಿಳಾಮೇಳ ಪ್ರಮೀಳಾ ನೇಸರ್ಗಿ ನೇತೃತ್ವದಲ್ಲಿ ಬರುತ್ತೆ…ಪಾಸ್ ನ್ನು ತಿಂಗಳ ಕೊನೆಯಲ್ಲೇ ತಗೊಳ್ಳಿ.. ದಿನದ ಬಹುತೇಕ ವೇಳೆ ಬಸ್ಸಲ್ಲೆ ಕಳೆಯಬೇಕಾದ್ದರಿಂದ ನಾನಂತೂ ಹಾಯ್ ಬೆಂಗಳೂರು {ಜಾನಕಿ ಕಾಲಂ ಮನೆಯಲ್ಲಿ ಮಾತ್ರ ಓದ್ತೀನಿ}. ಮಯೂರ, ದೇಶ ಕಾಲ, ಸಂಚಯವನ್ನು ಬಸ್ಸಲ್ಲೇ ಓದೋದು..