ಕಳ್ಳ-ಕುಳ್ಳ ಬ್ಲಾಗ್ ಗೆ ಈ ದಿನ ಇನ್ನೂ ಭೇಟಿ ಕೊಟ್ಟಿಲ್ಲವಾದರೆ ತಕ್ಷಣ ಭೇಟಿ ಕೊಡಿ.
ದುರಂತದ ಮನೆಯ ಅಳಲು ಕಾಡಿಸದೇ ಬಿಡುವುದಿಲ್ಲ.



 
ನನ್ನಪ್ಪ
(ಹಿರೋಶಿಮಾ ನಗರೆದ ಶಾಲೆಯೊಂದರ ಮೂರನೇ ಕ್ಲಾಸ್‌ನ ಕಾಯ್ಕೋ ಕಕೀತಾ ಬರೆದದ್ದು)
ಅನುವಾದ: ವಿಕಾಸ ನೇಗಿಲೋಣಿ


ಹಿರೋಶಿಮಾ ಬಹಳ ಒಳ್ಳೆಯ ನಗರ,
ನನ್ನಪ್ಪ ಸತ್ತದ್ದು ಅಲ್ಲೇ,
ಪರಮಾಣುವಿನ ಮೋಡದೊಳಗೆ ಅಪ್ಪ ಹೋಗಿದ್ದು ಅಲ್ಲೇ,
ನನ್ನಪ್ಪ ಸತ್ತಿದ್ದು ಆ ಕೋಟೆಯಲ್ಲೇ,
ನನ್ನನ್ನು ಒಂಟಿಯಾಗಿಸಿದ ಚಿಕ್ಕಂದಿನಲ್ಲೇ.
ನನ್ನಪ್ಪನ ಮುಖ ನಾ ನೋಡಲಿಲ್ಲ,
ನನ್ನಪ್ಪನ ಮುಖ ನೋಡುವುದಕ್ಕೆ ತುಂಬ ಆಸೆ,
ಕನಸಲ್ಲಾದರೂ ನನ್ನಪ್ಪನನ್ನು ಕಾಣುವಾಸೆ.
ನನ್ನಪ್ಪನನ್ನು ಕಾಣಬೇಕು, ಒಮ್ಮೆ ಕೈ ಹಿಡಿಯಬೇಕು…
ನಮಗೆ ಯುದ ಇರದೇ ಇರುತ್ತಿದ್ದರೆ
ನನ್ನಪ್ಪ ಸಾಯುತ್ತಿರಲಿಲ್ಲ,
ನಾವು ಹುಟ್ಟಿದೂರಲ್ಲೇ
ವಾಸ ಮಾಡಲು ಅಡ್ಡಿ ಇರಲಿಲ್ಲ
ಮತ್ತು ಅಣ್ಣ ಕೇಳಿದ ಸೈಕಲ್ಲನ್ನು
ಅಪ್ಪ ತಂದುಕೊಡದೇ ಇರುತ್ತಿರಲಿಲ್ಲ…