ಸೇಡಂನ ಮಹದೇವಪ್ಪನ ಸುಸುಲಾ. (ಒಗ್ಗರಣೆ)
ವಿಜಯಭಾಸ್ಕರ್
ನಾನು ಸರ್ವಕಾಲಕ್ಕೂ ಇಷ್ಟಪಡುವ ನಮ್ಮೂರಿನ ಒಗ್ಗರಣೆ ಮತ್ತು ಮಹಾದೇವಪ್ಪನ ಹೋಟೆಲ್.
ಇದು ಸರಿಸುಮಾರು 20 ವರ್ಷದ ರುಚಿಯುಳ್ಳ ಸುಸುಲಾ ಹೊಟೇಲ್.
ಸುತ್ತಳ್ಳಿಯ ಜನರಿಗೂ ಈ ಸುಸುಲಾ ಕಂಡರೆ ಪ್ರೀತಿ.
ನಾನು ಊರಲ್ಲಿ ಇದ್ದಾಗ ಬೆಳಗ್ಗೆ ತಪ್ಪದೇ ಮಹಾದೇವಪ್ಪನ ಹೋಟೆಲ್ ಗೆ ಬೇಟಿ ನೀಡಿ ಎರಡು ಪ್ಲೇಟ್ ಸುಸುಲಾ ತಿಂದೇ ತಿನ್ನುವೆ. ಆಹಾ!! ಅದೆಂಥಾ ರುಚಿ ಅಂತೀರಾ ಮನಸ್ಸು ಮತ್ತು ನಾಲಿಗೆ ನಡುವೆ ಹೊಸ ನಂಟು ಬೆಸೆಯಲು ಈ ಸುಸುಲಾ ಬೆಸ್ಟ್. ನಾನು ಕಳೆದ 5 ವರ್ಷದಿಂದ ಈ ಸುಸುಲಾದ ರುಚಿಗೆ ದಾಸನಾಗಿ ಮತ್ತಿತರನ್ನು ದಾಸರನ್ನಾಗಿ ಮಾಡಿರುವೆ.
ಈ ಹೋಟೇಲ್ ಬೆಳಿಗ್ಗೆ 7:30 ಯಿಂದ ಮಧ್ಯಾಹ್ನ 1:30 ವರೆಗೆ ಮಾತ್ರ. ಈ ಸಮಯದ ನಡುವೆ ಮಹಾದೇವಪ್ಪ ಅದೇಷ್ಟು ಮಂಡಾಳಿನ (ಹಳ್ಳು) ಚೀಲ ಖಾಲಿ ಮಾಡುತ್ತಾನೋ ಗೊತ್ತಿಲ್ಲ. ನಾನು ನೋಡಿದ ಪ್ರಕಾರ 6-7 ಚೀಲವಾದರೂ ಸಮಾಪ್ತಿಗೊಳಿಸುವಷ್ಟು ಗಿರಾಕಿ ಈತನ ಹೋಟೆಲ್ ಗೆ ಬರುವರು. ಅದಕ್ಕೆ ಕಾರಣ ಈತ ನೀಡುವ ಶುದ್ಧ ರುಚಿಯ ಸುಸುಲಾ ಮಾತ್ರ ಕಾರಣ.
ಗುಲ್ಬರ್ಗದಿಂದ ಸೇಡಂ ಮಾರ್ಗವಾಗಿ ಹೈದರಾಬಾದ್ ಅಥವಾ ಬೆಂಗಳೂರು ಹೋಗುವ ಜನರಿದ್ದರೆ ಅಥವಾ ಸೇಡಂಗೆ ಬಂದಾಗ ಈ ಮಹದೇವಪ್ಪನ ಹೋಟೆಲ್ ಗೆ ಮರೆಯದೆ ಬೇಟಿ ನೀಡಿ ಸುಸುಲಾ ಸವಿಯಿರಿ.
ಲೊಕೇಶನ್ : ಸೇಡಂನ ಪುರಸಭೆಯ ಸಂಕಿರ್ಣದಲ್ಲಿ ಬೋರ್ಡಿಲ್ಲದ ಮಹಾದೇವಪ್ಪನ ಹೋಟೇಲ್.
0 ಪ್ರತಿಕ್ರಿಯೆಗಳು