ಫಲವತಿ!!
ಇಂಗ್ಲೆಂಡ್ ನಿಂದ
ಡಾ ಬಿ ಪ್ರೇಮಲತ
ಮುಡಿಯೇರಿದ ಮಣಿಯ ಬಿಲ್ಲೆ
ಸಿಂಹ ಕಟಿಯ ನೀಲವೇಣಿ, ನಿಲ್ಲೆ!
ನಿತಂಬ ಸೀಳಿ ಹರಿದ ನಾಗವೇಣಿ
ಹೆಜ್ಜೆಯಿಡೆ ಗೆಜ್ಜೆ ಕುಣಿಸಿ, ಹರಿಣಿ!
ಕೈಲಿ ಹಿಡಿದ ಉರಿವ ಹಣತೆ
ಯಾರಿಗೆಂದು ನೀ ಸಾಲಂಕ್ರುತೆ?
ಜಗ್ಗಿ ಮುತ್ತಿಟ್ಟಿವೆ ಕರ್ಣ ಕುಂಡಲವು
ಅಪ್ಪಿ ಶೋಡಶಿಯ ನುಣುಪು ಕದಪು!
ಹಿಡಿಯಗಲದ ಕಿರಿಯ ಸೊಂಟ
ನಿತಂಬಿನಿಯ ಈ ನೋಟ ಮಾಟ!
ಮಂಡಿ ಮುಟ್ಟಿದ ಒಯ್ಯಾರದ ಜಡೆ
ರೇಶಿಮೆ ಉಡುಪ ಕುಣಿವ ನಡೆ!
ತಣ್ಣನೆಯ ಈ ಮಂಟಪದಿ ತಿರುಗಿ
ಶಿಲೆಯಾಗಿ ನಿಂತರೂ ಈ ಪರಿ
ಬೆಂಕಿಯಂತೆ ಸುಡುವೆ
ಚೆಂದುಳ್ಳಿ ಚೆಲುವೆ, ನೀ ಫಲವತಿ!!!
ನಡೆ ಮುಂದೆ
ಬರುವೆ ನಾ ನಿನ್ನ ಹಿಂದೆ
ನಾ ನೋಡ ಬೇಕು
ನಿನ್ನ ಬಳಕುವ ಸೊಂಟ
ದಾರಿಗುಂಟ.
ಮಂಡಿ ತಗುಲಿದ ನಿನ್ನ ಆ ಕುಚ್ಛು
ಹಿಡಿಸಿದೆ ನನಗೆ ಹುಚ್ಛು
ಕಟಿ ಬಳಸಿ ಅಳೆಯಬೇಕಿದೆ
ಗೇಣೊ ಮೊಣವೋ ತಿಳಿಯಬೇಕಲ್ಲ!