ಕೃಷ್ಣಮೂರ್ತಿ ಬಿಳಿಗೆರೆ
ವೆರಿ ಗುಡ್ ವೆರಿ ಗುಡ್
ವೆರಿ ಗುಡ್ ವೆರಿ ಗುಡ್
ವೆರಿ ಗುಡ್ ನರಿ ಬಾಲ
ವೆರಿ ಬ್ಯಾಡ್ ವೆರಿ ಬ್ಯಾಡ್
ಬಾಲ ಉದುರಿದ ಕಾಲ // ಪಲ್ಲವಿ //
ಬೋಲೋ ಬೋಲೋ
ಬೋಲೋ ಬಾಲೆ
ಬೋಲೋ ಬೋಲೋ
ಬೋಲೋ ಬಾಲ // ಪಲ್ಲವಿ //
ಕೋತಿಗೆ ಐತೆ ಉದ್ದ ಬಾಲ
ಕುರಿಗೆ ಐತೆ ಮೋಟು ಬಾಲ
ಬಾಲದ ಜೊತೆಗೆ ಬಾಲ
ನಾಯಿಗೆ ಡೊಂಕು ಬಾಲ // ಪಲ್ಲವಿ //
ಹನುಮಂತನದು ಬೆಳೆದ ಬಾಲ
ಗಾಳಿಪಟದ್ದು ಕಟ್ಟಿದ ಬಾಲ
ಭೂಮಿ ಸೂರ್ಯನ ಸಾಲ
ಚಂದ್ರ ಭೂಮಿಯ ಬಾಲ // ಪಲ್ಲವಿ //
ಕೋಡು ಇಲ್ಲ ಕೋರೆ ಇಲ್ಲ
ಮನುಷರಿಗಿಲ್ಲ ಬಾಲ
ಅದಕ್ಕೆ ಅವರು ಹಿಡಿಯುತ್ತಾರೆ
ಗೆದ್ದ ಎತ್ತಿನ ಬಾಲ // ಪಲ್ಲವಿ //
ಚಂದ ಇದೆ ಸರ್ ಪದ್ಯ. ನೀವು ಅನುಮತಿ ನೀಡಿದರೆ ನಮ್ಮ ಶಾಲೆಯ ಪತ್ರಿಕೆ “ಅಳ್ಳೀಮರ”ದ ನವೆಂಬರ್ ಸಂಚಿಕೆಗೆ ಬಳಸಿಕೊಳ್ಳುವೆ. ನಮ್ಮ ಬ್ಲಾಗಿದೆ http://www.allimara.blogspot.com
ಚೆನ್ನಾಗಿದೆ ಸಾರ್.