ಕಟ್ಟಿಹಾಕಿದ ಮುದುಕನ ಕಾಲು..
ವಿದ್ಯಾ
ನನ್ನ ಹೆಗಲ ಮೇಲೆ
ಯಾರೋ ಕೂತು
ಓದುತ್ತಲೇ ಇದ್ದಾನೆ ಬೈಬಲ್-ಕುರಾನ್-ವೇದಗಳನ್ನು
ಕಿವಿಯಲ್ಲಿ ನೊಣಗಳು ಗುಂಯ್ಗುಡುತ್ತವೆ
ಗಾಯಗೊಂಡಿವೆ ಕಿವಿಗಳು
ನನ್ನ ಧ್ವನಿ ಹೇಗೆ ಕೇಳಲಿ?
ಹಿಂದೂ ಆಗಿದ್ದ ರಾಣಾ,
ಅಕಬರ್ ಮುಸಲ್ಮಾನ,
ಸಂಜಯ ಕ್ರಿಸ್ತಪೂರ್ವದಲ್ಲೇ
ಟೆಲಿವಿಷನ್ ಮಾಡಿ, ಮನೆಯಲ್ಲಿ ಕೂತ
ಕುರುಡ ರಾಜನಿಗೆ ಯುದ್ಧದ ತಮಾಷೆ ತೋರಿಸಿದ..
ಮನುಷ್ಯ ಚಂದ್ರನ ಮೇಲೇನೋ ಇಳಿದ ಇಂದು
ಪ್ರಗತಿಯಲ್ಲ ಇದು..
ಹಿಂದೆ, ಬಹಳ ಹಿಂದೆ
ಅಣು ಇನ್ನೂ ಸ್ಫೋಟಗೊಂಡಿರಲಿಲ್ಲ
ಶಕ್ತಿಯ ಕನ್ನಡಕ ಒಡೆದಿರಲಿಲ್ಲ
ಭೂಮಿಯಿಂದ ಆಕಾಶದವರೆಗೆ
ಸಾಗಿ ಬಿಟ್ಟಿದ್ದಾರೆ ಯಾರೋ..
ಇತ್ಯಾದಿ ಅಜ್ಞಾನದ ಮಾತುಗಳಾಗುತ್ತವೆ
ನನ್ನ ಹೆಗಲ ಮೇಲೆ..
ಭುಜಗಳು ಬಾಗುತ್ತಿವೆ
ಹಗಲೂ ರಾತ್ರಿ ನನ್ನ ಆಕೃತಿ ಚಿಕ್ಕದಾಗುತ್ತಿದೆ
ತಲೆ ಕಾಲುಗಳಲ್ಲಿ ಸೇರಿ ಹೋಗುತ್ತೇನೋ..ಭಯ..
ಮೂಲ-ಕೈಫಿ ಆಜ್ಮಿ
ಅನುವಾದ-ವಿದ್ಯಾ
ಧರ್ಮಗಳ ಕಲಹಗಳ ನಡುವೆ ಮನುಷ್ಯ ಧರ್ಮವು ಮರೆಯಾಗುತಿರುವ ಸಂದರ್ಭದಲ್ಲಿ
ಉತ್ತಮ ಕವಿತೆ ಅನುವಾದಗೊಂಡಿದೆ
Hi class
ಸೂಪರ್ ಮೇಡಂ.. ನಿಜಕ್ಕೂ ಪ್ರಸ್ತುತ ವಾಗಿದೆ..
ತಲೆ ಕಾಲುಗಳಲ್ಲಿ ಸೇರಿ ಹೋಗುತ್ತೇನೋ..ಭಯ…. ಈ ಸಾಲು ಅತ್ಯಂತ ಮಾರ್ಮಿಕವಾಗಿ ಗೋಚರಿಸಿತು ನನಗೆ.. ಧನ್ಯವಾದ ಮೇಡಂ.. ಚೆಂದದ ಅನುವಾದ