ರಜಿಯಾ ಡಿ ಬಿ
ಯುಗಾದಿಯ ಈ ಚಂದ್ರ
ಒಂದೇ ಆದ
ರಂಜಾನಿನ ಚಾಂದ್ ಆಗಿ
ಕಣ್ಣೊಳಗೆ ಮನದೊಳಗೇ
ನೋಡುವ ಪ್ಲವವಾಗಿ
ವಿಪ್ಲವ ತಾರದೇ….
ವಿನೂತನ ಹಾದಿಗೆ
ನವೀಕರಿಸುವಂತಾದ;
ಪೂರ್ಣತೆಗೆ ಕರೆದೊಯ್ಯುವ
ಸೌಹಾರ್ದತೆಯ ಚಂದ್ರನಾಗಿ
ಇವರ ಅವರ ಕಣ್ಣಲಿ
ಒಟ್ಟೊಟ್ಟಿಗೆ ಇಣುಕಿದ ಹುಣ್ಣಿಮೆಯಾಗಿ
ಯುಗದ ಆದಿಯಾಗಿ
ಅನಂತತೆಯ ಆಗರವಾಗಿ
ಭಾವೈಕ್ಯತೆಯ ಬೀಡಾಗಿ
ಈ ನಾಡಿಗೆ—
ಅವ ಇವ ಎನ್ನದೇ
ಸೋದರರೆಂಬ ಸತ್ವವಾಗಿ ಸತ್ಯವಾಗಿ
ಸೈತಾನರ ಬಡಿದೋಡಿಸಿ
ಧರ್ಮದ ತಿರುಳೊಂದೇ ಎಂದೂ
ಚಂದಿರ ಪ್ರತಿಫಲಿಸಿದ.
*ಸೈತಾನನ ಬಡಿದೋಡಿಸಿ
ಧರ್ಮದ ತಿರುಳೊಂದೇ*
ಚಂದದ ಸಾಲುಗಳು ಮೇಡಂ