-ಸುಷ್ಮಿತಾ ಶೆಟ್ಟಿ
ಹೂವಿನ ಮಧ್ಯದಲ್ಲಿ ಹೊಗುವುದಕ್ಕೆ ದಾರಿ ಹೊಟ್ಟೆಯೊಳಗಿಂದ ಇಲ್ಲ
ಎದೆಯೊಳಗಿಂದಲೊ ಉತ್ತರಿಸಲು ದಾರಗಳೆನೆಳೆದು ಮುಗಿಸಿದ ಕೈ
ತತ್ವದ ಬದಿಯರಿವನ್ನೂ ಬಲ್ಲದ್ದಲ್ಲ
ಒಡನಾಡುವ ಸೂಜಿ ಮೊಂಡುತನ ತೋರದಂತೆ ಒಲಿಸುವುದು
ಒಲುಮೆಗಿಳಿಸುವುದೊಂದೇ ಕಾರ್ಯ
ಹೆಕ್ಕಿ ತರುವವು ಪತ್ರೆಗಳೋ ಪಾತ್ರಗಳೋ
ಮಾಲೆ ದೀರ್ಘವಾದಷ್ಟು ಹರಿತ ಸರಳವಲ್ಲವೇ
ಯಾವ ನೆಪಬಂದಿಯೂ ಆಗದೆ ಹೂವಾರಿಸಿದ
ಆತ್ಮವ ಹನಿ ಹನಿ ಉದುರಿಸಿ ಹಸಿಯಿಟ್ಟಿರುವ
ಉರಿಯಲ್ಲೂ ಅರಳಿದ್ದು ಉರುಳದು
ನೇಯುವುದು ಹೊಟ್ಟೆತುಂಬಿದರೂ ಮುಗಿಯದು
ಅದೊಂದು ಹಿಡಿತ ಬದುಕ ಪೂರ್ತಿ ಕಟ್ಟುವಾಗ
ಒಂದು ಪಕಳೆಯೂ ಉದುರಬಾರದೆನ್ನಲಾದೀತೇ
ಎಂತ ನೈಪುಣ್ಯತೆಯ ಗಂಟೂ ತಿರುವಿನಲ್ಲೆಲ್ಲೋ
ಬಿಡಿಸಿ ಹೋಗುವುದ ಜೋಡಿಸಿರಲಾರದೆನ್ನಿ
ಅಂತಾದರೂ ಹೂವ ಕಟ್ಟಿ ಹೂವಾಗುವ ಬೆರಳಿಗೆ
ಇನ್ನೇನು ಮುಗಿದೇ ಹೋಗುವ ತ್ರಾಣದ ತುತ್ತ
ತುದಿಯಲ್ಲೂ ಕಟ್ಟುವುದೇ ತತ್ವ ಕೆಡವುದಲ್ಲ
0 ಪ್ರತಿಕ್ರಿಯೆಗಳು