ಮಾರ್ಕ್ ಟ್ವೇನ್ ಒಮ್ಮೆ ಪುಟ್ಟದೊಂದು ಊರಲ್ಲಿ ಉಪನ್ಯಾಸ ನೀಡಬೇಕಾಗಿತ್ತು. ತಮ್ಮ ಗಡ್ಡವನ್ನು ಶೇವ್ ಮಾಡಿಸಲು ಹತ್ತಿರದ ಸಲೂನಿಗೆ ನುಗ್ಗಿದರು.

“ಸಾಹೇಬ್ರು ಊರಿಗೆ ಹೊಸಬ್ರೂಂತ ಕಾಣುತ್ತೆ” ಸಲೂನಿನವ ಕೇಳಿದ.

“ಹೌದು”

“ನೋಡಿದ್ರಾ! ನಿಮ್ಮ ಮುಖ ನೋಡಿದ ತಕ್ಷಣ ಗೊತ್ತಾಯ್ತು ನಂಗೆ… ಅಂದಹಾಗೆ ಇವತ್ತು ಸಂಜೆ ಫೇಮಸ್ ರೈಟರ್ ಮಾರ್ಕ್ ಟ್ವೇನ್ ಉಪನ್ಯಾಸ ಇದೆ. ಆಸಾಮಿ ಸಖತ್ ಮಜವಾಗೇ ಮಾತಾಡ್ತಾರೆ… ನೀವೂ ಹೋಗ್ತಿದೀರಾ?”

“ಹೋಗ್ಬೇಕು ಅಂತಲೇ ಇದೆ…” ಮಾರ್ಕ್ ಟ್ವೇನ್ ಉಸುರಿದರು.

“ಮತ್ತೆ ಟಿಕೆಟ್ ತಗೊಂಡ್ರಾ?”

“ಇಲ್ಲ ಕಣ್ರೀ”

“ಹಾಗಾದ್ರೆ ನಿಮ್ಗೆ ಸೀಟ್ ಸಿಕ್ಕಲ್ಲ. ನಿಂತ್ಕೊಂಡೇ ಕೇಳ್ಬೇಕಾಗುತ್ತೆ. ಬ್ಯಾಡ್ ಲಕ್!”

“ಅಯ್ಯೋ… ಅದೇನೋ ಪ್ರತಿ ಸಲ ಮಾರ್ಕ್ ಟ್ವೇನ್ ಉಪನ್ಯಾಸಕ್ಕೆ ಹೋದ್ರೂ ನಾನು ನಿಂತೇ ಕೇಳಿಸಿಕೊಳ್ಬೇಕಾಗುತ್ತೆ, ಬ್ಯಾಡ್ ಲಕ್” ಎಂದರು ಮಾರ್ಕ್ ಟ್ವೇನ್.