ಭ್ರೂಣ ಭಾಷ್ಯ – ನರೇಶ್ ಮಯ್ಯ ತುಂಬು ತಿಂಗಳ ಬೆಳಕಲ್ಲಿ ಆ ರಾತ್ರಿ ಸುಖಿಸಿದ್ದ ಅದೇ ಅಂಗಳದಲ್ಲಿ ಇನ್ನೂ ಚೆಲ್ಲಿಕೊಂಡಿವೆ ನಮ್ಮೀರ್ವರ ನಗ್ನ ನಾಚಿಕೆಗಳು.   ಆ ಅಹೋರಾತ್ರಿ ಅರೆಬೆಂದ ನನ್ನ ಮನವ ನಿನ್ನತ್ತ ಬಿಸುಟಿದ್ದೆನಲ್ಲ ಅದಿನ್ನೂ ನತರ್ಿಸುತ್ತಲೇ ಇದೆ ನಗುಮೊಗವನ್ನೊತ್ತು ಅದೇ ಆ ನಸುಗತ್ತಲಲ್ಲಿ.   ಬಿಸಿಯುಸಿರ ಭ್ರಾಂತಿಯೋ ಭೀಭತ್ಸ್ಯ ಹತ್ಯೆಯೋ ಅಂತೂ ಕಾರಣವೊಂದಾಯಿತು ಈ ತಾಯ ಬಸಿರ ಬ್ರೂಣಕ್ಕೆ.   ಸುಖಿಸಿಲ್ಲ ಅಹಹಾ. . ಸಖೀ. . ಎಂದೆ ಬೆಂದೂ ಕಾಯಲಿಲ್ಲವೆಂದೆ ಏಕೆಂಬೆ?   ಒಳತಳದ ತುದಿಯೊಳಗೆ ಇನ್ನೂ ಕಾದುಕೂತಿದೆ ಕರಿದೊಗಲ ಕ್ರೂರ ಕೆಂಕಾಳಿ ಮಾಂಕಾಳಿ ಮೂದೇವಿ ಮಾರಿ.   ಬಯಸುತ್ತೀಯಾ ಇನ್ನೂ ?   ಅದೇ ಆ ಸುಖದ ಸಖನೊಡನೆ ಕಂಡ ಆ ಅದ್ಭುತದ ಮತ್ತೊಂದು ಮಿಲನ   ಎಚ್ಚರಿಕೆ !   ಅಪ್ಪಂದಿರೆಲ್ಲ ಅಮ್ಮನ ಅರೆನಗ್ನಗೊಳಿಸಿ ಹಾಲೆರೆದ ಅವಳದೇ ಆ ಎದೆಯನ್ನು ಚಪ್ಪರಿಸಿ ತಿನುವನಕ ನಿನಗಿಲ್ಲ ಆಸೆಗೂ ಸ್ವಾತಂತ್ರ್ಯ.   ಏಕೆಂದರೆ   ನೀನು ಈ ಮಣ್ಣ ಮಗು. ನಾನೂ.   ಅದಕ್ಕೆ ಈ ತೆರಿಗೆ ತೆರುತ್ತಲೇ ಇರಬೇಕು ಜನ್ಮಾಂತರ.  ]]>